Níutíu og fimm ára skrokkur.....

.....en bráðungur haus.

  Enda blessuð mærin búin að lenda í reglulegum

  "hausafskurði" í gegnum árin 95.

  Hefur varla nokkurn frið til að plokka augabrýr

  og varalita sig, úúps....þá er hausinn fokinn af.

  Sér húsfreyja fyrir sér að annar hver Bauni sé

  illa haldinn af "hausafetish", og hafi afskorinn

  haus af Litlu Hafmeyjunni upp á arinhillu hjá sér.

  En þá er það stóra spurningin:  Heldur sú bronsaða

  upp á 95 ára afmælið sitt á morgum,

  með haus og sporði og öllu "hele klabbet"?

  Eða verður hausinn "vant við látinn" á ÖÐRUM STAÐ?

  Kominn "afhögginn" í púsningu út í bílskúr hjá

  einum af afkomendum "fyrrum drottnara" litla Fróns?

  Sem er máske að velta sér upp úr bévítans frekjunni

  og útrásinni í gömlu þrælaþjóðinni sinni?

  Sem hlær þá geðveikislega, um leið og hann pússar

  og muldrar í barm sér:

  "Værs'gu, din djævlede islending".

  Nei, bara svona pæling!

  Húsfreyja óskar "frændum sínum Dönum" innilega

  til hamingju með Litlu Hafmeyjuna sína.

Litla hafmeyjan verður 95 ára