..þá boð komu frá....

...Ágústínusi keisara, um að skrásetja skyldi alla heimsbyggðina,

  stóð í einni gagnmerkri bók er húsfreyja gluggaði stundum í,

  hér í den.

  En nú hafa boð borist frá "ferðamálastjóra" um að skrásetja

  skuli allar klósettferðir, þá farið er um litla Frón.

  Ekki er um að ræða athugun á "útliti, þéttni eða magni" því

  er í salernin fer, þó víst þætti læknastétt litla Fróns slíkt

  fróðlegt.  (Gæfi ýmislegt upp varðandi heilsufar meltingafæra

  ferðamanna).

  Nei, hér er er á ferðinni könnun á því hvort "skeinipappír" sé

  nógur, hvort "undankúkari" hafi munað eftir að sturta niður

  á eftir, hvort náðhúsin haldi vatni og vindum eða hvort næði

  kuldagjóstur um hið allra helgasta Frónbúanna, og hvort

  nægt rennandi vatn sé til þvottar eftir á.

  Sömuleiðis leitað eftir stíflum eða skemmdum, viljandi eða

  óviljandi á útsalernum.

  Sitja nú leiðsögumenn sveittir yfir dagbókum sínum, og

  "skrásetja" skeinisathuganir, niðursturtunarathuganir,

  og allar aðrar klósettathuganir sínar.

  Sér húsfreyja fram á að þetta verði hinar merkustu

  bækur, þá fram líða stundir. 

  Verði gefnar út árlega, og 10 "bestu staðirnir til að

  skíta á" valdir....með tilheyrandi myndum af klósettum og

  útsýninu frá þeim.

  Og mætti svo halda áfram með "vinsældalistana":

  "Hvar er skást að fá niðurgang á ferðalögum um landið",

  og hvar er mælt með að "sleppa sveskjunum" með

  morgunmatnum.

  Sér húsfreyja fyrir sér að þetta verði með vinsælustu

  bókum litla Fróns, og verði jafnvel farið að auglýsa

  í sérstakar "klósettferðir" þá tekur að vora ár hvert.

  Hehehe, húsfreyja bara VARÐ.  Fréttin bauð svo sannarlega

  upp á svona sprell.

  En grínlaust þá sjálfsagt ærin þörf á að taka "klósettmálin" í gegn,

  og gott framtak hjá Ferðamálastjóra.

 

 

 

Skrásetja klósettferðir

Athugasemdir

[Guðrún B. (IP-tala skráð) 1.8.2008 kl. 13:10]

[Sigrún Óskars, 3.8.2008 kl. 12:45]

Ó mæ god - sá þessa frétt allt of seint. man ekkert hvar ég fór á klósettið á ferð minni um landið.