Botnar lítið í óhamingju...

...húsfreyja, og er rasandi á fólki sem telur að bágur

  efnahagur eða smá vottur af kreppu geti haft áhrif á

  hamingju manna.

  Hefur sjálf ætíð haft það að sið, að velja þá leið sem er

  björtust hverju sinni, og hefur bara gefist bísna vel.

  Að búa uppi á litla Fróni finnst húsfreyju dýrðlegt, þá hún

  horfir á aðbúnað og lífsgæði kvenna í hinum vanþróaðri

  löndum jarðarkringlunnar. 

  Hér hefur húsfreyja þokkalega hreint loft, fagurt landslag,

  yndislega fjölskyldu og góða vini.

  Hefur ágæta menntun, þak yfir höfuðið, rafmagn, hitaveitu,

  hreint vatn, er í ágætu starfi og gjörsamlega fílar "landa sína"

  í tætlur.

  Aðra eins vesenista, argintætu-þrasara, besservissera, grínara,

  listamenn, söngvara og listkúnstera er erfitt að finna samankomna,

  nema hér,  á einni lítilli eyju úti í miðju ballarahafi:  Voru Ísalandi.

  Þetta er himneskt land og dásamlegt þjóðfélag, þar sem þegnar fara

  saman í gegnum súrt og sætt:   Sögurnar ENDALAUSU, REI-málið

 og Baugsmálið, álveradellu, náttúruvæn mótmæli og GAS,GAS,GAS.

  Þílíkar allsherjar ekkisens komedíur frá upphafi til enda.

  Kjósum yfir okkur arfaruglaða,  velviljandi pólitíkusa sem halda að

  engin spilling sé til á litla Fróni.  Hér séu engir "kolkrabbar" eða

  "bláar hendur", og stólpípuelskandi frónbúar hafi "sérstaka"

  lása á ímeilinu sínu, og lesi hann og opni aðeins í  "einrúmi",

  á fjöllum í aftaka veðri.  Að hér hygli enginn sér og sinni

  "fjölskyldu", þá hann hefur völd og aðstöðu til þess, og gott ef

  þeir halda ekki líka að "bensín" sé orka EINGÖNGU ætluð

  einkaþotum þotuliðsins.

  Þvílíkt myljandi grín.

  Ekki hægt annað en að hlægja og gera grín að öllu saman.

  Og allt tekur enda, meira segja bensínsverðshækkanirnar.

  Allt á niðurleið aftur.

  Því þá að vera velta sér upp úr smá kreppu og veseni.

  Bara uppáskrift á svartsýnisrugl, þunglyndi, sjálfsvorkun og

  skítalykt.

  Gleði, góð heilsa, hlátur og hraustir ástvinir er allt sem þarf.

  Hamingjan okkar Frónbúanna BLÍVUR.

  Hallelúja.

 

 

 

 

 

 

 

Viðurkennum ekki annað en hamingju