Talandi um sár...

...þá var húsfreyja nú á dögunum á ferðalagi um Þingvelli. 

  Brá henni í brún, þega hún sá að búið var að fjarlægja "öll

  grenitré" af stórum svæðum, svo opin sárin eftir þau blöstu við.

  Ökumaður rútunnar sagði húsfreyju, að eftir að Þingvellir urðu

  "merkilegir" og settir á sérlega alheimsskrá, þá mættu engin

  tré vera á svæðinu, sem ekki væri hægt að sanna að hefðu

  verið þar fyrir á landnámsöld.

  Svo fallegu grenitrjáarskógarnir okkar eru "afmáðir"

  af svæðinu....bara sisona.

  Húsfreyju fannst "sárin" eftir grenitrén ekki falleg á að  líta,

  og veit ekki hvað menn hyggja á, að setja í staðinn.

  Og hvað þá með öll mannvirki á svæðinu?

  Ekki stóðu þau þarna á Landnámsöld.

  Grenihríslurnar fá víst að vera í friði, en húsfreyju

  finnst illa að skóræktarmönnum og konum vegið, þegar

  margra áratuga skógrækt er bara ruslað í burtu vegna

  einskærra "merkilegheita".

  Sér hún fyrir sér að illa fari nú fyrir skóginum í Skaftafelli,

  þar sem það svæði er einnig orðið "merkilegt á alheimsvísu".

  Ja svei!

 

 

Sáð í sárin

Athugasemdir

[Sigríður Sigurðardóttir, 11.7.2008 kl. 19:37]

  Látum vera hvað fólki finnst um grenitrén, Árni, en hvað á að gera við ljót jarðvegssárin eftir að búið er að fjarlægja trén?

[Sigríður Sigurðardóttir, 12.7.2008 kl. 12:02]

 Hér verð ég að játa vanþekkingu mína, Árni, á jarðvegi eftir gróðursetningu, súrum eða basískum.  Er sýrustig eingöngu notað yfir þvag og aðra vökva í mínu starfi.  Og svo eru hársnyrtar alltaf að reyna að selja manni rándýrar hársnyrtivörur, sem eiga vera með "hárréttu" sýrustigi fyrir hárið.

  Breytir ekki því að hugsa þarf áður en framkvæmt er, og sárin á Þingvöllum eru jafnljót súr eða basísk.  Er þá kannski eitthvað sem þyrfti að ræða við "Skógrækt Ríkisins" um, ef súr jarðvegur er svona illur viðureignar? 

  Ekki það að mér hafi súrnað um brjóst og augu á göngu í fallegum greniskógi....síður en svo.

[Guðrún Jóhannesdóttir, 12.7.2008 kl. 12:22]

það er merkilegt að verða merkilegt á heimsvísu súrt eða basískt

knús

[Sigríður Sigurðardóttir, 12.7.2008 kl. 18:17]

  Jamm,þú segir nokkuð, Guðrún....en grenitrén eru greinilega afspyrnu "ómerkileg".