Hvaða tegund er...

......"ráderinn" þinn, spurði unga tölvuséníið í símann.

  Húsfreyja svitnaði.  Svitnaði meira.

  "Ráder".....hjálpi mér, hugsaði hún örvæntingarfull.

  "Hvur andsk..... var það nú aftur"?

  Húsfreyja reyndi að hugsa rökrétt....jé ræt...um tölvuhluti.

  "Hmmmmm... "rá" er þverslá eða bjálki, og "der" er skyggni á húfu..."?

  "Þversláarskyggni"??? 

  "Djöf...... þetta meikar engan sens" hugsaði húsfreyja sótsvört

  af panikk.

  Rámaði allt í einu í svarta litla kassann bak við tölvuófétið.

  Hafði ekki karl hennar kallað þetta einhverju hrikalegu ónefni,

  eins og "ráder", hér einhvern tímann í den?

  "ZyXEL" svaraði húsfreyja snöggt, upp á von og óvon.

   Sá snjalli lét sér það vel líka, og spurði að aldri "þversláarskyggnisins".

  Húsfreyja vissi það, með nokkrum skekkjumörkum þó.

  "Settu nú LLi í næsta box, og suv á að vera þar fyrir neðan.

  Haltu svo "núllinu" í næsta en settu næsta í 33".

  Húsfreyja hlýddi þeim eitursnjalla í einu og öllu.

  "Var ekki notendanafnið örugglega ....glabb?" spurði sá ungi.

  "Jeminn, hvernig í ósköðunum á ég að muna það", húsfreyju lá

  við öngviti af stressi. 

  "Jú, ég held það" svaraði hún skjálfandi róm.

   "Nú smellir þú bara á "save settings" og þá á þetta að vera komið",

   tölvusnillinn að springa úr jákvæðni.

   Neipp!

  Ekkert að gera sig.

  Slökkt á "þversláarskyggninu" og svo byrjað upp á nýtt.

  Eftir hálftíma LLI, password, suv, núll og glabb small netið

  að lokum inn!  Sá ungi ekkert nema almennilegheitin og

  þolinmæðin, og sagði ekkert að þakka.

  Húsfreyja steig stríðsdans af gleði á parkettinu!

  Hún var aftur orðin nettengd.

  Vill að eftirleiðis haldi karl hennar sig við "eitt" símfélag, og eitt

  AÐEINS!

  Og að ráderinn verði með hraði skýrður "netskyggnir".

  Er svo búin að panta ferð út í Eyjar með flugi, húsfreyja....

  ...Á NETINU!

  Fer með þá stuttu næsta laugardag, og aftur heim á þriðjudag.

  Gefur sér þá kannski tíma í að kíkja á bloggvini sína næstu daga,

  áður en Eyjaferð skellur á.

  Megi góðir draumar fylgja ykkur öllum inn í sumarnóttina.

 

 

Athugasemdir

[Steffý (IP-tala skráð) 1.7.2008 kl. 22:46]

Bráðfyndið Sigga! Been there ... done that!

Fínar myndir frá Tenerife. Hafðu það gott í Eyjum.

Sjáumst vonandi áður en áður líður

 Bestu kveðjur

Steffý

[Sigríður Sigurðardóttir, 2.7.2008 kl. 18:09]

  Steffý!  Yndislegt að fá komment frá þér.

  Reyni að hitta á ykkur í sumar, vinkonurnar mínar.  Svona þegar þið eruð búnar að vísitera forsetann og leggja heiminn að fótum ykkar.

  Bið að heilsa Rúnu.