Ef Bogi og Örvar....

...eru orðnir flugmenn í hjáverkum, verður húsfreyja að versla

  sér eitt stykki "árabát", þá kemur að borgarferð til Prag í haust.

  Ekki hefur hún efni á dýrari farskjóta, eins og verðbólgan er.

  Líst henni ekki á gang mála í samgöngum, hvorki á lofti, láði né legi.

  Þykir henni einsýnt, að rölta með tjaldræfil upp í Esju, eða út í

  Geldinganes, verði hennar hlutskipti í ferðamálum með þessu

  áframhaldi.

  En húsfreyja er ferðafíkill mikill, og næsta víst að hún fíli sig sem

  andskotinn í útlegð á Suðurheimskautalandinu, verði allar samgöngur

  ótryggari, áhættusamari og erfiðari vegna bévítans brennivísdrykkju.

  Þykir henni þetta hið versta mál, og vill senda flugmönnum, skipstjórum

  bifreiðastjórum öllum, hugheilar óskir um betra líf, með minnkandi víndrykkju,

  enn minni eiturlyfjatöku og vaxandi edrúmennsku um ókomna tíð.

  Vonar hún að þeir verði allra einstaklinga "lukkulegastir" í lífinu, svo

  hvorki þurfi þeir að brúka vímuefni, né missa einn einasta dag úr vinnu

  vegna þynnku.

  Verði sönn gleði ætíð þeirra förunautur....og húsfreyja getur þá kannski

  sparað sér "árabátskaupin" í haust.

Of margir fljúga fullir

Athugasemdir

[Sigrún Óskars, 28.6.2008 kl. 18:27]

Þú selur þá bara í sæta-ferðir með árabátnum, en þá verður þú að skilja brennivínið eftir heima  

[Sigríður Sigurðardóttir, 29.6.2008 kl. 12:03]

Brilliant hugmynd, Sigrún.

  Auglýsi hér með sætaferðir á "tólfæringi".

  Tvær árar fylgja hverju sæti, og eru ferðalangar beðnir um að taka hraustlega á því við róðurinn!  Svolítið langt til Prag.

  Boðið verður upp á léttar veitingar í ferðinni:  Íslenskt blávatn og heimasmurt brauð með kavíar, og flatkökur með hangiketi.

  EKKERT BRENNIVÍN!

  Stutt á salerni frá hverju sæti "út fyrir borðstokkinn, takk".  Hver ferðalangur taki 2 rúllur af salernispappír með sér.

  Skjólgóðir sjóstakkar algert "must" í ferðinni.  Mæli með 66°norður.

  Hægt að panta ferðir hjá undirritaðri, þá sígur á seinni hluta sumars, og internetið verður komið í lag í kompjúterræfli húsfreyju.

  Kveðja Sigga.