Afturgengin uppsalahúsfreyja...og upprisin!

  Skólastýran brosti sínu blíðasta, og var komin í verulega gott stuð í ræðu sinni.

  Börnum 1. og 2. bekkjar hrósað í hástert.

   "Hjálpi mér"!  Húsfreyja var orðin náföl, og vildi helst sitja í keng.

  "Verð að þrauka" hugsaði hún angistarfull, "átti bara að vera rúmur hálftími eða svo, skólaslitin, eða það hafði kennari þeirra stuttu sagt".

  En það var bara allt of gaman hjá skólastýru og kennurum....og svo

  voru skemmtiatriði í ofanálag.

  "Mamma mía"!  Örvænting húsfreyju var orðin áþreifanleg. 

  Í meltingarfærum húsfreyju var allt í "tjóni og tjöru".

  Þar eitthvert bévítans "verkfallslið" mætt á svæðið,

  sem hafði uppi háreysti mikil, djöfulgang og læti.

  "Hér er allt búið að vera VAÐANDI í ósóma, snakki og

   gotteríi svo mánuðum skiptir, svo nú stöndum við í

  drullu upp í háls!  En nú segjum við NEI, strákar!

  Við neitum að vinna"skítverkin" fyrir konu þessa lengur.

   Hún getur bara MELT sinn mat sjálf....ÁN OKKAR"!

  "Erum farnir í VERKFALL, strákar"!

  "Sjáum hvenig kerlu líkar það"!  HAH!

   Á meðan var húsfreyja komin í myljandi samkeppni við

  glæsilegustu vofur, hvað útlitið varðaði.

   Hvít sem lak í framan, og svitinn rann í lækjum niður

  andlit hennar.

   En loksins!  Þrjátíu og fimm mínúta martröð lokið inni í

  hátíðarsal.

  Þá bara að sækja vitnisburðinn og brenna heim.

  Húsfreyja sá hilla undir salerni sitt.  Hallelúja!!

  En krakkarnir voru "40" talsins og EKKI skipt niður í

  tvo bekki......

  "Djísuss, þetta lifi ég ekki af".  Húsfreyju lá við öngviti.

  Hún þraukaði og þraukaði...og þraukaði.

  Að endingu, heilli klukkustund og korteri betur frá komu í 

  skólannn, var allt yfirstaðið.

  "HEIM"!  Orgaði húsfreyja í huganum.

  En sei, sei, nei, ekki aldeilis.

  Fólk að stöðva húsfreyju, óska til hamingju....."frétti að 

  stelpan þín hefði verið best í lestri"......HJÁÁÁLP!

  Húsfreyja var orðin hráblaut af svita, þá þær mæðgur komust

  út í bílinn.

  Brenndi á tveimur dekkjum heim, húsfreyja og BEINT á

  SALERNIÐ. 

  Næstu 36 stundirnar setti verkfallsliðið í iðrum húsfreyju

  henni 4. AFARKOSTI:

  1.  Salernisferðir með uppsölum, magakveisu og steinsmugu.

  2.  Öngvit inni í rúmi, með massívum martröðum.

  3.  Hiti upp á 39 stig, með mergjuðum beinverkjum, á að

  giska 2000 volt á hvert bein.

  4.  Inntaka næringarefna og vökva með öllu BANNAÐ.

  Fljótlega var húsfreyja farin að uplifa sig slepjulegri og

  máttlausari en steindauð grásleppa.

  Og álíka orkumikla og slíkt dautt kvikindi.

  Á meðan rústuðu Báran og Svalan húsinu.

  Og "myrtu" kompjúterinn (orð bónda).

  Og fluttu allt Little Pet Shop dót Bárunnar upp

  í hamraborgina fyrir ofan heimili húsfreyju.

  Karlinn dólaði sér bara í vinnuna og hafði það huggó.

  Húsfreyja engdist í rúminu.

  Þeir hrikalegu verkfallsliðar hrifnir af afarkosti

  númer þrjú.

  Þarf sjálfsagt mikið "rafmagn" í kröfugöngur og

  verkfall.

  Húsfreyja reyndi ítrekað að boða neyðarfundi með

  bévítans verkfallsliðinu.

  En þar sem hún hafði ekkert "málfrelsi" meðal þeirra,

  var málið strax, svo gott sem dautt.

  Var ekki fyrr en um kaffileytið á laugardegi, eftir að

  hafa náð að náð að kyngja nokkrum sopum af vatni,

  að húsfreyja fékk náðarsamlega að setja inn eina

  sáttartillögu á verkfallsfund.

  SÚPUBOLLA....bara einn!

  "Hah!  Hún er bara með kröfur, kerlan", hvein í

   verkfallspakkinu.

  "Er vatnið ekki nógu gott ofan í hana"?

  "Veit hún ekki að súpa kostar okkur hálftíma vinnu"?

   "Þetta pakk!  Maður réttir því fingurinn, og handleggurinn

  er tekinn af við "öxl"! 

  "Sjáið bara hvort ég hef ekki rétt fyrir mér"!

  "Hún verður farin að heimta kjöt, fisk og kartöflur innan tíðar,

  og það er nú bara 4 stunda starf fyrir okkur að sortera

  úr því"!

  "Og þá er nú aldeilis farið að styttast í YFIRVINNUNA:  

   Snakkið og andsk....nammið".

  Húsfreyja lofaði öllu fögru.

  Súpan fékkst samþykkt...einn bolli!  Og hélst niðri.

  Hallelúja!

  Um kvöldmatarleytið vogaði húsfreyja sér í einn

  kjúklingavæng og meira vatn.

  Lét snakkið og nammið eiga sig.

  Verkfallslið tók aftur upp störf, tók húsfreyju í sátt....

  .....allavega fram að næstu "ælupest"!

  Húsfreyja svo verið að fótboltast með Svöluna og Báruna 

  niðri Laugardal, seinni part helgar, skreppa í ferðalög,

  og laumast í lánskompjútera.

   Góðar stundir.