Sigríður Sigurðardóttir

24.5.2008 | 17:35

Próteinríkt vatn?

toddlers-playing-01-big Þá húsfreyja var vart af bleiualdri, var henni iðulega skellt út í sandkassa að moka. Var oft með henni frænka, Anna Stína, á sama árinu. Voru litlu skotturnar iðnar í sandkassanum, byggðu hallir, hús, sundlaugar og götur. Þá þær mokuðu djúpar holur, dúkkuðu iðulega upp ánaðmaðkar, járnsmiðir og fleiri "próteinrík" kvikindi. Allt snöfluðu þær stöllur þetta í sig af mikilli einbeitni, enda mikið fyrir að "smakka" á tveggja ára aldrinum, mæðrum sínum til mikils hryllings Pinch .

Var móðir húsfreyju nær daglega í "nettu taugaáfalli" er hún reyndi að ná ormum og öðrum smátínigi af skordýraætt, úr munni litlu frænkanna W00t . Var farið að vakta þær stöllur, þá þær dudduðu sér í sínum yndislega sandkassa.

Og viti menn, dag einn hafði "sandkassinn matarmikli" gjörsamlega gufað upp Crying . En í stað hans voru komnar tvær rólur. Litlu frænkunum fannst þetta ekki slæm býtti, og róluðu daginn út og daginn inn, syngjandi rammfalskt "Blátt lítið blóm eitt er" Tounge ! Alltaf SAMA lagið. Hlaust af þessu töluverð "hávaðamengun" í hverfinu, en þegar móðir húsfreyju hafði útskýrt fyrir nágrönnum í Blátindi, Batavíu og Byggðarholti, "þörfina" fyrir því að sandkassinn hyrfi, urðu allir sáttir og ákváðu að láta hávaðann yfir sig ganga.

Góðir grannar.

Móðir húsfreyju jafnaði sig svo fljótt af "pöddutaugaáföllunum", en hefur lúmskt gaman af því, enn þann dag í dag, að minna húsfreyju á "forna matarsiði" Sick . Veit húsfreyja hinsvegar ekki, hvort mútta hennar hefur nokkurn tímann tekið "barnasandkassa" í fulla sátt Whistling .

En húsfreyju og Önnu Stínu frænku varð ekki meint af "pödduáti" þessu, og eru bara báðar með þokkalega góðum sönsum og heilsu í dag. Svo varla getur ein fluga í vatni hafa valdið miklum usla.... nema auðvitað að hún hafi, drekkt sér strax eftir að hafa tyllt sér á hundaskít Pinch .

Það þá öllu verra, og von að hárgreiðslumaður þeirra Ontariobúa sé í mergjuðum mínus sálarlega Frown .