How're...

...these, sugar"?  "You like these"?  "I think they look FAB on yah". 

  Indverski skósölumaðurinn dansaði og snérist í kringum okkur stöllurnar.  Var greinilega af annarri kynslóð indverja í Ameríka, því enskan hans var ekta suðurríkja-enska.

  Vinkona horfði hugsandi á "Reebok-strigaskóna".  "Do you have thicker socks for me, to wear".  These may be a little bit too tight, when I'm wearing thick socks.

  "Sugar"!  "This is Florida"!  "What do'yah need thick socks for"?

  Við stöllurnar útskýrðum snarlega að við værum frá Íslandi, og þar yrði skítkalt á haustin og veturna, og jafnvel á vorin líka.

  "Sugars"!  "From Iceland"!  "How lovely"!  "Yo're my first people from Iceland"!

  Við vorum snarlega "ættleiddar" inn í stórfjölskyldu indverska sölumannsins.  Vorum "sugars", "darlings" og "my girls"!  Skósölumaður reyndist vera í sögunámi í háskóla í Florida, og átti aðeins eftir lokaritgerð, til að útskrifast sem "prófesor í Sögu"!  Og hann var í alvöru að hugsa um að hafa lokaritgerð sína um Evrópska mannkynssögu.  Elskaði ALLT evrópskt, og var búin að ferðast til Parísar og Róm.  Og ætlaði sko að taka ALLA Evrópu með stæl, eftir útskrift sem söguprófessor.  Og pottþétt að hann myndi þá vísitera Ísland

  Og þvílík svaðaleg, rosaheppni var þetta fyrir hann að hitta okkur stöllurnar frá Íslandi.  Hann pumpaði okkur um land og þjóð, spurði skynsamlega spurninga lengi vel.  En svo kom:

  "Sugars"!  Hvaða lönd liggja að Íslandi?  Eyja út í miðju hafi??  Whot!  En það eru engin höf í miðri Evrópu?  Eru "Rúmenar" ekki næstu nágrannar ykkar"?

  Við stöllurnar keyptum þrenn pör af "Reebok strigaskóm" með hraði, og komum okkur út úr versluninni í einum hvínandi hvelli.

 

 

 

Margir Bretar vita ekki að Ísland er í Evrópu

Athugasemdir

[Sigrún Óskars, 15.5.2008 kl. 19:46]

Skemmtileg saga . Við höldum alltaf að allir viti hvað okkar litla og fámenna eyja er.

[Sigríður Sigurðardóttir, 15.5.2008 kl. 19:51]

  Jamm, Sigrún.  Vorum búnar að vera á flandri víða, þarna í Orlando, og þessi sölumaður var sá fyrsti sem var alveg með það á tæru "hvar" Ísland var staðsett í heimsálfum......skeikaði svo bara um einhverjar þúsundir mílna.

[Heiður Helgadóttir, 15.5.2008 kl. 20:46]

Í Ameríkunni fyrir mörgum árum síðan, vorum við iðulega spurð hvort að við hefðum keyrt frá Íslandi

[Sigríður Sigurðardóttir, 15.5.2008 kl. 21:32]

  Já, Heidi, og hvort það væri "hérað" í Kanada.