Bara að salta smá....

..... og skella smá tómatssósu á bleðilinn, og hann rennur ljúflega niður.  Virðist húsfreyju að ítalir séu í fremur slæmum málum stjórnarfarslega, séu kjörseðlar orðnir "the hottest thing" á matseðli dagsins hjá þeim.  Mætti þá kannski biðja ítölsk stjórnvöld að hafa alla kjörseðla úr "marsipani" (namm) eða þá úr pasta, svo menn njóti sín svolítið meltunarlega séð, við að kjósa.

  Og þá dettur húsfreyju annað í hug.  Alveg væri það brilliant að fá hin frónversku "málgögn" á ÆTU formi daglega, í stað óæts, frumskógareyðandi pappírs.  Getur húsfreyja alveg séð fyrir sér að heimilin gætu sparað stórfé í morgunkorn og brauðmat, ef éta mætti fréttablöðin jafnóðum og þau væru lesin.  Yrðu auðvitað að vera úr meinhollum náttúrulegum matvælahráefnum, nema kannski á sunnudögum, þá fengu allir "vínabrauðsmálgögn".  Letrið yrði sömuleiðis náttúruvænt.  Blek úr súkkulaði á sunnudögum en "pizzasósum" á virkum dögum.  Kúmen mætti svo nota sem "upphrópunarmerki eða spurningarmerki"

  Myndi stórminnka útgjöld heimilanna, bjarga fleiri þúsund ferkílómetrum af frumskógum, spara stórlega í enduvinnslu á pappír og gleðja hungraða Frónbúa á hverjum morgni.  Fréttirnar yrðu öllum tilhlökkun og ánægjuefni  og saðning maga, og Frónbúar yrðu sjálfsagt aftur "hamingjusamasta" þjóð í heimi.  Fjárfestar myndu þá sjálfsagt fjárfesta grimmt í innlendri matvælaframleisðlu og málgagnaprentsmiðjum, og gengisvísitala krónunnar myndi svingsa lágmark 2 kílómetra upp, erlendum fjármálaneikvæðnispúkum og rógberum til mikillar hrellingar.

  Hallelúja!  Litla Frón í góðum gír um ókomin ár!

  Hmmmm...á húsfreyja að sækja um "patentinn" á þessari hugmynd?

Borðaði kjörseðilinn í stað þess að kjósa