Ertu alveg kolvitlaus....

...kona?  "Veistu ekki að ég er nánast blindur, og svo kveikirðu ekki einu sinni ljósið hérna inni".  Þeim gamla var stórlega misboðið, er ég aðstoðaði hann á salerninu í dag. 

  "Það er rafmagnslaust, Geir minn" svaraði húsfreyja rólega. 

  "Ertu hamarslaus"???, þrumaði sá gamli. 

  "Nei, nei, Geir minn, það er RAFMAGNSLAUST", húsfreyja glotti með sjálfri sér. 

  "Núúú.  Afhverju sagðiru það ekki strax"

  "Ertu búinn að ná í rafvirkja, kona"?  Sá gamli að jafna sig.

  "Nei, reyndar ekki", svaraði húsfreyja.

  "Hva, ætlarðu bara að hafa þetta svona"??

  "Veistu ekki að maður getur drepið sig, á því að paufast hér í myrkrinu"?

  "Jú, Geir minn, en bilunin er uppi í Nesjavallavirkjun" kom svar húsfreyju.

  "Í Nesjakirkju"!!!  " Og hvar í fjandanum er hún"?  Sá gamli, ansi heyrnadaufur orðinn.

  "Nei, í NESJARVALLAVIRKJUN", húsfreyja farin að flissa.

  "Og þurftir ÞÚ að senda mann alla leið ÞANGAÐ"???, sá gamli alveg rasandi.

  "Sei, sei, nei, ég þarf ekkert að skipta mér viðgerðinni, Geir minn.  Ríkið sér um hana"

  "ANDSKOTINN"!!  "Treystirðu ríkinu til þess að gera við þetta"??, sá gamli var

  stórhneykslaður á húsfreyju.

  "Já, ég verð að gera það" svaraði húsfreyja.  "Og komdu svo að fá djús og köku"!

  "HRUMMMPH"! Ég verð víst að gera það.  Fáum ekki rafmagnið á fyrr en í næstu viku,

  og ekkert heitt kaffi heldur, fyrst "ríkið er að gera við".  Sá gamli eitraður.

  Húsfreyja leyfði þeim gamla að hafa síðasta orðið, og bjargaði honum í stól og sjálfri sér inn á vakt að hlæja.

 

Rafmagn komið á að nýju