Sigríður Sigurðardóttir

22.3.2008 | 21:00

Í heljargreipum Bakkusar og náttúruleg skjóðulosun.

woman-reading-on-toilet-in-grass-~-BCP042-14 Og að tefla lífi sonar síns í hættu ásamt sínu eigin, sýnir glöggt hve helsjúkur faðirinn hlýtur að vera. Fyrrtur allri skynsemi. Börnin eru okkar dýrmætasti framtíðarfjársjóður, og við viljum þeim allt gott til verndar og hjálpar. Bakkusi er hinsvegar skítsama um allt og alla, og hans heljarklær hafa kostað margan góðan manninn líf og heilsu. Sárast þegar hann kostar okkur börnin okkar. Skelfileg frétt. Vona að faðirinn sé kominn af stað að leita sér hjálpar.

En heyrði heldur skondnari frétt í morgunsárið í vinnunni í morgun. Bæjarstjóri einn í íðilfögru þorpi í fjallabyggð í hinu herlega ríki Noregskonungs, er súr og arfareiður. Þangað flykkjast samlandar hans í stórum hópum ár hvert til skíðaiðkunar, enda norsarar miklir skíðaáhugamenn.

Verra er að eftir einar 100 ferðir upp og niður mjallhvítar brekkurnar fyrir ofan bæinn, grípur skíðakappana þorsti mikill. Skella þeir sér á öldurhús og veitingastaði bæjarins í stórum hópum, og teiga ölið grimmt. Eitthvað daprast þeim sýn af ölinu, nú eða hafa fengið snert af snjóblindu, því þeir rata ekki á salernin til að losa úr skjóðunni GetLost . Þyrpast þeir saman utandyra, og finna sér fínasta vegg öldurhússins eða veitingarstaðarins og láta vaða Sick . Rennur nú strágulur, stækur straumurinn niður veggi þeirra húsa allra og í léttum lækjum niður aðalgötur bæjarins Devil . Súrnar nú bæjarstjóra um augu og nef af hlanddaun þessum, og er hinn fúlasti. Búinn að hækka "utandyra-hlandlosunarsektir" um helming Whistling , og segir þar með "pisspakki" þessu stríð á hendur. Er hann einnig hinn argasti út i "hlandgulan lit" mjallarinnar í kringum öll betri öldurhús og veitingastaði bæjarins, og telur lit þennan ekki til þess fallinn að laða að erlenda ferðamenn. Svo ekki sé talað um stenkinn Crying . Vill lítt ræða það að "gulur" litur sé mjög vinsæll um Páska LoL .

Eru norskir skíðamenn sármóðgaðir út í "stjóra þennan", og segja langa hefð fyrir því að míga utandyra í hinu herlega ríki Norska konungsins. Vilja fá að míga hvar sem löngunin grípur þá, hvort sem er í mjallhvítum skíðabrekkum eða við vegg 4 stjörnu veitingarhúsa.

Húsfreyja bíður þess spennt að "norskir skíðamenn" fari fram á breytingu á norska fánanum, og að "gulum hlandfossi" verði skellt í vinstra hornið á honum LoL Tounge . Nei, bara grín.