Ægifögur fjallasýn..

..hvert sem augað leit, á leið okkar mæðgna austur fyrir fjall í gær.  Tignarleg Bláfjöll með sína hvítu tinda og bláu skugga.  Hvítir gufustrókarnir í Hverardölum risu beint up í bláma himins, og húsfreyja fékk á tilfinninguna að allt líf héldi í sér andanum af andakt yfir náttúrufegurðinni.

  Í Þorlákshöfn sama bongóblíðan, kaffi og með því eftir skottúr á Selfoss.  Systir í Þorlákshöfn í ham inni í búri.  Þreif og þvoði, henti og raðaði, tuðaði og nöldraði.  Við mútta settumst hinsvegar niður og "skröfuðum" í Scrabble við heimilislegan "nöldurundirleik" systur.  Krakkarnir 4-6 voru glaðir á góðri stund, og skoppuðu og hlupu 97 hringi innanhúss, HVERT!  Kemur sér vel að hús móður minnar eru rúmgóð, og gott að ná sprettum milli stofu og forstofu.

  Og nú erum við á leið austur aftur.  Báran og Svalan mega ekki af hvor annarri sjá.  Og Tinnan er komin til London, og minn maður búinn að bjóða börnum sínum öllum í stórsteik í kvöld.  Ætlar að elda læri.  Húsfreyju líst best á að leyfa honum að dudda við þetta í friði og ró.  Búið að vera nóg áreiti á minn mann samt, síðustu daga.  Er búinn að "stroka Kína út af lista sínum", yfir fýsilega staði erlendis, að skoða í framtíð.  Lái honum það hver sem er.

  Sólskin í hjarta og gleði til alllra.

Athugasemdir

[Guðrún Jóhannesdóttir, 16.3.2008 kl. 17:13]

gott að vita af tinnu í london

Njótið svo bara kvöldisins til fullnustu

[Heiður Helgadóttir, 19.3.2008 kl. 15:55]

Fæ heimþrá þegar að ég sé þessa fallegu mynd

[Sigríður Sigurðardóttir, 19.3.2008 kl. 20:19]

Knús á ykkur öll!