Sigríður Sigurðardóttir

3.3.2008 | 08:31

Hér gæti skrattinn verið að hitta..

...ömmu sína. Hægri öfgaöfl í Hollandi að gefa út mynd um Kóraninn. Heittrúaðir islamar í Afganistan þar með arfareiðir (að sjálfsögðu, enda púra öfgamenn sjálfir), og Nato-hermenn þar með í bráðri lífshættu. Hvernig væri nú, ef öfgahóparnir "báðum megin, sætu á sér, svo mínistyrjöldunum fækkaði, og hermenn kæmust heim til fjölskyldna sinna?

Furðulegt að hógværir islamar skuli ekki láta meira í sér heyra, og fordæma alla öfgamenn, bæði sína og annarra. Var einn hóglátur klerkur þeirra islama, sem lét í sér heyra í fyrra, og ég var mjög hrifin af. Er að reyna muna nafnið....jæja, eins og mig minni að hann hafi verið Pakistani. En síðan hef ég sáralítið lesið um viðbrögð hófsamra islama...fundið smávegis hér og þar á netinu.

Fólk hér í vestrænum þjóðfélögum, er oft duglegt að fordæma alla öfgamenn, bæði sína og aðra. Og iðulega mikil umræða í gangi, þegar einhver ber sér á brjóst, með öfgum og yfirgangi. Er það vel, og öfgar þrífast illa þegar blásið er hressilega á móti.