Trúarlöggan...

......í henni Sádí hefur aldeilis komist í feitt, um þessar mundir.  Gengur nú berserksgang í því að útrýma svaðalegustu óvinum og mergjuðustu glæponum Sádíarabíu....nefnilega "rauðu rósunum"!  Þetta "blómahyski" hefur vaðið uppi með rómantískar grillur, ofurskæra litadýrð ásamt beittum þyrnum, og er við það að gjörsamlega rústa lífi hinna "hóglátu, réttsýnu og framfarasinnuðu" heittrúarmanna Sádíarabíu.  "Rauðgrasadrasl" þetta slær um sig með fagurrauðum "ærandi og espandi" lit, með fagurgrænum stönglum, skreyttum beittum þyrnum, og tælir grandvara og ástfangna Sádíaraba til að eyða stórfé í lítinn vönd af sér!  Þvílíkir erkibófar og ömurlegir svíðingar, sem þessar rauðu rósir eru.  Svo stinga þær líka.....!

  En svona huggun harmi í, þá gengur trúarlöggu Sáda bísna vel að "útrýma" bófum þessum, þar eð "illgresi" þetta er jú af blómaætt, hefur hvorki hendur né fætur, og kemst því hvorki lönd né strönd hjálparlaust, og er því auðvelt að "fangelsa"!  Jamm, vona að trúarlöggu Sáda gangi allt í haginn í þessari "skynsamlegu" herferð sinni........en þeir þurfa virkilega að huga að "rauðu túlípönunum" næst!  Það er sko "hrokafyllsta" blómapakk sem ég hef séð!

Trúarlögregla bannar sölu á rauðum rósum

Athugasemdir

[Solla Guðjóns, 12.2.2008 kl. 11:28]

Vúff maður veit varla hvað maður getur sagt við svona þar sem þetta er svo ólíkt okkar heimi.Mjög ströng lög varðandi kvenkynið og það allt en leiðinlegt að mega ekki gleðjast yfir rósum................

Rós = ósæmandi kynlíf

[halkatla, 12.2.2008 kl. 12:18]

loksins er tekið á blómahyskinu ég bíð eftir því að íslendingar leggist í að útrýma fjallafífilnum, hann er svo erótískur og án efa orsök alls ills hér á landi

[Guðrún Jóhannesdóttir, 12.2.2008 kl. 12:18]

 væri lífið ekki einfalt ef það þýrfti bara að henda út rauðum rósum

ALveg ótrúlegt, maður verður orðlaus

[Sigríður Sigurðardóttir, 12.2.2008 kl. 17:20]

  Já, ekki er það vænlegt, Solla, með stóran hluta af "blómaflóru" jarðar í erótískum hugleiðindum, svo jarðar við mergjaðan dónaskap í henni Sádí!  Þeir mega sko aldeilis bregða undir sig betri fætinum, Sádar, og fara að "tína"!

  Anna, mér hefur alltaf fundist fjallafífillinn "grunsamlega sexí"!  Er annars "trúarlögga/andsexíblómalögga" hér á landi, sem gæti tekið á málunum?

  Jamm, Guðrún mín, þeir stíga ekki beint í "blómavitið" þarna í Sádí!

[Heiður Helgadóttir, 12.2.2008 kl. 20:21]

Mikið fær maður nú að heyra áður en að eyrun detta af manni

[Sigríður Sigurðardóttir, 12.2.2008 kl. 20:57]

  Verður bara að láta sauma þau á aftur ef fer í hart, Heidi!

  Knús til þín!