Gæti þurft að vara við lokunum...

... á vegum á fleiri tungumálum, en gamla ylhýra.  Hef heyrt því fleygt að ferðalangarnir er lögðu á heiðina, hafi verið af erlendu bergi brotnir. 

  Minnir mig óneitanlega á brandarann sem ég heyrði stuttu eftir að Skeiðarárhlaup hófst 1996, að því að mig minnir.  En þá hafði gosið fyrr um haustið í Grímsvötnum, svo allir voru búnir að standa á öndinni af eftirvæntingu yfir væntanlegu hlaupi.  Fréttamenn orðnir örþreyttir á biðinni, en samt alltaf menn á vakt, ef eitthvað færi að gerast.  Svo hófst loks hlaupið 5 nóvember.  Og auðvitað kom nánast hálfur jökullinn með niður.  Skeiðarábrúin ásamt fleiri góðum brúm á sandinum, fóru þar með beina leið til andskotans, eins og við var að búast.  Suðurleiðin austur á land klosslokaðist, og verðir settir sitthvoru megin við djöfulganginn.  Komu þá að erlendir ferðamenn seint um kvöld, á leið yfir Skeiðarársand.  Á miðjum vegi smáspotta frá burtflotinni brúnni, vegatálmar, náungi í kuldagalla á vappi sem stoppar þá góðu ferðamenn. 

  "This road and all the bridges are flodded and therefore closed", fregna ferðamennirnir. 

  "Oh, no problem, segja hinir erlendu, "we can wait"!  (Sjálfsagt vanir "míníflóðum af völdum rigninga" í sínu heimalandi.)

  "When do you think it will be safe to travel through again"?

  "Oh, you could probably try again NEXT SPRING", kom svarið.

 

Lögðu á lokaða Holtavörðuheiði

Athugasemdir

[bimbó (IP-tala skráð) 10.2.2008 kl. 20:23]

Það skýrir málið í botn,,hafi hér verið útlendingar á ferð. Þarna mátti vissulega taka fram í fréttinni ef svo var, í stað þess að espa upp reiði lesandans. Skiljanlegt hve harkaleg viðbrögð urðu við fréttinni, og hve víðtæk hneykslun lesandans er. Flestum enn í minni þegar Íslenskir smávitsmenn lögðu í tvísínu á fjöll um síðustu jól, þótti mér furðu gegna hve vel tókst til að safna svo mörgum á svipuðu greindarstigi í jafn stóran hóp þá. Og ekki furðaði mig það uppátæki fararstjórans að leifa börn sem þátttakendur,,,Hins vegar er erfitt að fara að merkja hitt og þetta á hinum ýmsu tungumálum,,,,,,,

[Sigríður Sigurðardóttir, 10.2.2008 kl. 20:45]

  Já, sammála þér bimbó, hefði átt að fylgja fréttinni hvort ferðfólkið var erlent eða bara "þrjóskir" heimamenn.  Léleg fréttamennska, að sleppa slíku, ef rétt er. En ég hef bara heyrt þessu fleygt, eins og ég sagði.

[Brjánn Guðjónsson, 10.2.2008 kl. 21:59]

miðað við þá venju fréttamiðla að vera heldur duglegir að taka fram erlendan uppruna ógæfumanna, þegar það á við, álykta ég að hér hafi íslendingar verið á ferð fyrst þjóðernið var ekki tekið fram.

[Guðrún Jóhannesdóttir, 10.2.2008 kl. 22:00]

knús

[Heiður Helgadóttir, 11.2.2008 kl. 17:04]

Er nú hálf hissa á fólki að fara að vaða uppá lokaða heiði.

[Guðrún Jóhannesdóttir, 11.2.2008 kl. 17:07]

ótrúlega vanhugsað!

[Sigríður Sigurðardóttir, 11.2.2008 kl. 18:19]

  Já, hafi verið um landa að ræða, er þetta ekki mjög vel úthugsað ferðalag hjá þeim!

  Knús á ykkur