Ráðhattur eða ráðhúfa?

  Get ekki annað en brosað að þessu þrasi um starfsheiti "ráðherra" á Alþingi okkar Frónbúa.  Með "þrjá menn" á borgarstjóralaunum í okkar herlegu borg við sundin bláu, landsbyggðina á heljarþröm, kvótalausa, finna alþingismenn sér tíma til að setja saman tillögu um "ráðherra" starfsheitið, flytja hana og þrátta um málið.  En er kannski með mikilvægari málum, þetta?  Hvað veit ég.  Samt eru konur "menn" og menn þar með "konur"!  Og því geta þær þá ekki verið "herrar", og þeir "dömur" , ef svo ber við?  Er ekki eins og "starfið" breytist við það, hvort kynið sinnir því!  Hér er það starfið sem skiptir mestu, að mínu mati, en ekki hvaða titil sá eða sú ber sem sinnir því.  (Gat ekki séð að orðið "dingulharpa", væri neitt verra en orðið "gaffall" í frægri Disneymynd um Litlu Hafmeyjuna)

  Jamm, merkileg og bráðnauðsynleg mál sem fjallað er um á þingi.  En ég skal ekki liggja á liði mínum á hugmynd um nýtt orð fyrir ráðherra: 

  Hæstvirt "dingulráð" Íslands (dugir fyrir bæði kynin).

  Hæstvirtur "alsherjarreddari" Íslands (dugir einnig fyrir bæði kynin, ala Spaugstofan).

  Hæstvirtur "ráðsmaður" Íslands (maður: Tvífætt og tvíhent spendýr sem talar, býr til

  verkfæri og vinnur með þeim (um tegundina sem heild, "bæði kyn").  Ísl. Orðabókin).

  Nú og kannski að hægt verði þá, að ræða kvótamálið NÆST....nú og eða hvernig við borgarbúar eigum að standa fjárhagslega undir "þremur" borgarstjórum!

 

Örlítill angi af kvennabaráttunni

Athugasemdir

[Kolbrún Baldursdóttir, 4.2.2008 kl. 20:31]

Ég við bara að við höldum í hugtakið ráðherra hvort sem það á við karl eða konu. Það er bara ekki hægt að kvenkenna allt.  Sumt verður bara að fá að halda sér hvað svo sem mönnum finnst um það. Hvað með orðið forseti, frú forseti gekk vel þegar Vigdís var. Ætla menn að reyna breyta þessu karlkynsorði í kvenkynsorð? Sama með ráðherra.
Það er virðulegt hvort sem það á við konur og menn. Eða það finnst mér alla vega.

[Benjamín Baldursson (IP-tala skráð) 4.2.2008 kl. 21:43]

Hjartanlega sammála Kolbrúnu Baldursdóttur. Legg til að hún taki sæti Steinunnar Valdísar á Alþingi.

[Sigríður Sigurðardóttir, 4.2.2008 kl. 22:00]

  Innilega sammála, Kolbrún.  Forseti virkaði flott hjá Vigdísi, og ráðherra er ekki síður gott starfsheiti, hvort sem um konur eða karla er að ræða.

  Benjamín, eigum við að fara að safna "undirskriftum"?

[Benjamín Baldursson (IP-tala skráð) 4.2.2008 kl. 23:17]

Því ekki það. Svo er ég líka til í að safna undirskriftum til að koma Kolbrúnu á Þing, því þar fer greinilega kona með heilbrigða skynsemi. Og varla er verra að vera sálfræðingur á þeim vinnu stað.  Áfram Kolbrún! 

[Sigrún Óskars, 5.2.2008 kl. 22:28]

Já, það vantar einmitt nýjan heilbrigðisráðherra, sem tekur á málunum með heilbrigðri skynsemi.

[Kristín Henný Moritz, 5.2.2008 kl. 22:37]

"Alsherjarreddari" lýst mér vel á.... ef rugla á í þessu á annað borð! Ráðherra er gott, jafnvel gott báðu megin!

[Heimir (IP-tala skráð) 5.2.2008 kl. 23:04]

Já ég segji að þarf nýjan Borgarstjóra í stórborg íslands það gengur ekki að hafa svona menn eins og borgarstjói Reykjavíkur er núna Ég reyndar man ekki hvaðpa hann hét en ég veit að hann var áfengissjúklingur eða meira skilningslegra orð alkóisti. sem borgarstjóra núna ég legg til hér og nú án þess að kjósa að sigga verði borgarstjóri Reykjavíkur hehe:D

[Sigríður Sigurðardóttir, 6.2.2008 kl. 20:51]

  Þakka ykkur kommentin.  Missti kompjúterinn í hendurnar á prinsessu heimilisins, sem er nú á fullu að klippa niður myndir, sem hún prentaði út af hinum ýmsu síðum á netinu.  Er á góðri leið að verða næsti "klippimyndasnillingur" litla Fróns!

  Já, ég er sammála um Kolbrúnu.  Hún er mjög frambærilegur kandidat inn á þing, en ég að sama skapi gjörsamlega óhæfur kandidat í borgarstjóradjobbið!  Hefði ekki hugmynd um hvað ég ætti að gera við öll launin mín, mánuðum saman.....myndi enda á því að gefa einhverjum þau.

[Sigríður Sigurðardóttir, 6.2.2008 kl. 22:20]

  Já og Hennsla, "alsherjarreddari" er bara bísna góð hugmynd, þó ég segi sjálf frá!