Skilaboðin.

                   Vertu alltaf hress í huga

                   hvað sem kann að mæta þér.

                   Lát ei sorg né böl þig buga,

                   baggi margra þyngri er.

 

                  Vertu sanngjarn, vertu mildur

                  vægðu þeim sem mót þér braut.

                  Bið þinn Guð um hreinna hjarta,

                  hjálp í lífsins vanda og þraut.

 

                 Treystu því að þér á herðar

                 þungri byrði ei varpað er,

                 en þú hefur afl að bera,

                 orka blundar næg í þér.

 

 

                Þerraðu kinnar þess er grætur

                þvoðu kaun hins særða manns.

                Sendu inn í sérhvert hjarta,

                sólargeisla kærleikans.

                  

Athugasemdir

[Solla Guðjóns, 4.10.2007 kl. 23:56]

Góð skilboð þetta.

[Sigríður Sigurðardóttir, 5.10.2007 kl. 09:24]

Takk Sollan mín.

[Heiður Helgadóttir, 5.10.2007 kl. 11:32]

Ótrúlega fallegt mín kæra.

[Sigríður Sigurðardóttir, 5.10.2007 kl. 13:49]

  Já, mér voru þessar vísur einu sinni gefnar á blaði, Heidi.  Veit ekki hver er höfundur.