Duló?

  Kannski einhver með "ofsakláða" hafi rænt birni .  Eða hvað skildi vera í stóra afmælispakkanum úti á sólpalli, frá karli mínum til mín, í tilefni dagsins ?  Hmmmmmmm.  Verð ef til vill að kíkja á málið, á jú afmæli í dag .  Nei, smá grín.  Efast um að karlinn minn sé nokkuð farinn að versla afmælisgjöf fyrir frúna.  Varð að mæta í hjartavernd í morgun, og síðan beint í vinnu, blessaður.  Og ég, konan á óræðum, brilliant góðum aldri, ætla að bregða mér til ferða austur fyrir fjall í kaffi til múttu.  En blessuð sólin er farin að skína mér til heiðurs, hér inn um stofugluggann, og mér líður ekkert verr  en í gær.  Jafnvel betur.  Svo ég er í góðum málum.  Það er verra með ísbjarnarþjófinn!  Hvar í ósköpunum ætlar hann að koma flykkinu fyrir?  Sé reyndar fyrir mér forláta garðskála, vafinn rósum upp um allar súlur, þar sem inni blasir við svolítið tuskulegur ísbjörn að klóra sér .  En ég hef nú alltaf haft svolítið "líflegt"  ímyndunarafl.  Þarf svo að bjarga kettinum inn af sólpallinum, og ná í þá stuttu í skólann.  Gangið ætíð á Guðs vegum.

Dularfullt ísbjarnarhvarf