Látnir brenndir milli tveggja hænsnahúsa?

  Hafði ekki hugmynd um að bókstafatrúar gyðingar væru á móti líkbrennslum, og litu á það sem óvirðingu við látna.  Ætla sjálf að láta brenna skrokkinn þegar ég flyt í "Sumarlandið".  Finnst það snyrtilegt og einfalt mál, að aðeins askan ein sé eftir.  Engin rándýr viðarkista smíðuð úr trjám hinna hverfandi skóga jarðar, ekkert rotnunarferli djúpt í jörðu niðri, bara lítið ódýrt leirker með ösku minni, sem fer í grunna holu og brestur við fyrstu frost.  Aska mín sameinast þar með móður Jörð fljótt og vel, og ekkert vesen þar.  En bara eitt þarna í Ísrael, sem ég skil ekki.  Líkbrennsla milli tveggja "hænsnahúsa"??  Skil vel að menn hafi viljað hafa lágt um líkbrennsluna af ótta við bókstafartrúarmennina, en að skella henni milli hænsnahúsa?  Eru sparnaðaraðgerðir í gangi  þarna?  Er verið að slá tvær flugur í einu höggi, og bjóða upp á "grillaða kjúklinga" á góðu verði, á meðan beðið er eftir leirkerinu góða?  Nota hitann frá likbræðslunni til að steikja í leiðinni eins og 20 kjúlla?  Eitthvað finnst mér þetta vanhugsað hjá þeim.  Svona svipað eins og líkflutningurinn í kjötflutningabílunum hér uppi á litla Fróni.

Útfararstofa brennd í Ísrael