Verði honum að góðu!

  Maður fær alveg nýja sýn á "hot dogs" þeirra bresku!  Allar gerðar úr "Corgi hundum eða refum" eftir þessu að dæma!  Hlaut að vera, því það eru viðbjóðslegustu pylsur, sem ég hef komist í tæri við!  Aðeins súri hvalurinn úr bernsku minni, og "turkey horribilis" á ferðalagi um breska konungsveldið árið 1994, slá þær út!  En á því herrans ári 1994, fékk afgamall kalkún slag af elli, og var eldaður í snarheitum ofan í hóp af túristum af kráareiganda einum í Ryes-héraði í breska heimsveldinu!  Því miður var ég og mín herlega stórfjölskylda í hópi þeirra túrista!  Kokkræfillinn hefur líklega lent í slæmum niðurskurði, og ekkert átt af kryddi á kalkúnshræið!  Ákveðið samt að sjóða vesalings dýrið, þar til það var orðið "seigara en skósólar úr hrágúmmí", og til að fela kryddskortinn skellti hann "ostasósuafgangi" frá því úr "fyrri heimstyrjöldinni" með!  Var "ælugulhvít" á lit, full af dularfullum hveitikekkjum og bragðið af óljósum uppruna!  Við systur rukum beina leið á McDonalds, eftir einn munnbita af "eitrinu", en mútta lét sig hafa það að snöfla í sig helmingnum!!  Þjóðverjarnir á næsta borði kláruðu hinsvegar af disknum, og báðu um meira!  Leit ekki kalkún sömu augum sem mannamat, í mörg herrans ár á eftir!  Reyndar tiltölulega nýbúin að taka hann í sátt!

   En síðan hefur mitt mottó á ferðum mínum um breska heimsveldið verið:  Stay away from British cuisine!  Snæða hvað sem er annað, bara ekki mat frá "Tjallanum"!

Át hund í mótmælaskyni