"Hátíðarsteikinni" fyrir sautjándann reddað!

  "Frumlegasta" aðferð sem ég hef heyrt um, til þess að ná sér í gæsasteik í matinn!  Veit skotveiðifélagið af þessu??  Kannski hægt að leggja byssudraslinu alfarið, og fara að stunda "glæfraakstur" yfir gæsaveiðitímann!  Og mætti þá ef til vill nota þá aðferð á "kornhænuveiðar" úti í henni Ameríku!  Blessaður varaforsetinn væri þá ekki að skjóta veiðifélaga sína í andlitið, "í misgripum", á kornhænuveiðunum!  Og vinirnir hefðu smá sjens að komast undan á "hlaupum", þegar höfðinginn kæmi vaðandi á milljón dollara  jeppanum sínum!  Nei, svona í alvöru, þá finnst mér aðdáunarvert, að stúlkan skildi halda bílnum á veginum eftir "flugárásina"!  Nokkuð pottþétt að ég hefði ekki bara öskrað eins og brjálæðingur, heldur líka lent á hvolfi út í skurði!  Þetta er svaðalegt ef maður má búast við stórfyglum inn um bílrúðuna, í næsta sunnudagsbíltúr!  Verður að fara að athuga með "umferðarskóla" fyrir fiðurfé, og "stærri vinnukonur" á bílrúðuna með þessu áframhaldi!  Nú svo eru til geðlæknar fyrir "þunglynda hunda og ketti" úti í hinum stóra heimi, kannski við verðum fyrst með geðlækningar fyrir "gæsir" í sjálfsmorðshugleiðingum, hér uppi á litla Fróni!  En enn og aftur gott að stúlkan slasaðist ekki!!  Vona bara að gæsin hafi fatast eitthvað flugið, en ekki verið lasin!!

Fékk gæs inn um bílgluggann