Ó, MIG AUMA!

  Er arga aumingi og vesalingur í samanburði við 71 árs gamalmenni frá Japan !  Er enn að monta mig af því að hafa komist upp á "öxlina" á Helgafelli úti í Eyjum síðasta sumar!  Iss!  Gauf og gutl og puðr út í vindinn, miðað við afrek japanska kennarans !  Var að vísu með 3. rollinga með mér, á aldrinum 4-6 ára í fyrra!  Aron Frey, og Árna Bæron systursyni mína og svo Báru Guðlaugu dóttur mína!  Varð að segja mergjaðar álfasögur úr bernsku minni til að halda litla liðinu gangandi, hrósa og hvetja fyrir dugnað í öðru hverju spori, toga þann 4 ára upp verstu klettanibburnar og taka myndir af "hetjunum" þegar upp á öxlina kom !  Og til að tryggja að allir "gengu" niður líka á heimleiðinni (stranglega BANNAÐ að láta bera sig), varð ég að lofa að splæsa ís á línuna!  Leið eins og ég hefði unnið þrekvirki á "heimsmælikvarða", þegar heim kom.  Og var áreiðanlega tífalt þreyttari en sá japanski eftir prílið í síðustu viku!  Sofnaði eins og ég hefði verið barin með sleggju í höfuðið um kvöldið !  En nú er þrekvirkið orðið hjóm eitt við hlið afreks hins aldraða frá Japan!  Ó, mig auma!

Kennari á áttræðisaldri kleif Everest