Heilagt "gras"?

  Frá landinu þar sem annar hver maður á skotvopn, blindir hafa skotveiðileyfi og varaforseti landsins mistekur veiðifélaga sinn fyrir "kornhænu", og dúndrar úr byssu sinn í andlit hans, eru þetta engar furðufréttir!  Hefði sjálf aldrei lifað fram á unglingsár, hefði ég alið bernskuárin í henni Ameríku !  Bjó í Vestmannaeyjum, þar sem lenska var, að vaða þvers og kruss yfir garða á leið heim úr skólanum!  Næla sér í rabbabara og gulrætur úr matjurtargörðunum á sumrin, og yfirhöfuð láta sem allir garðar í "5 kílómetra radíus" væru manns prívat og persónulega gönguleið, á leið eftir mjólk fyrir múttu, út í búð .  Mikil var þolinmæði eldra fólksins við okkur krakkana, og ekki mikið verið að gera veður út af smá skemmdum á blómabeðum, eða þjófnaði úr matjurtagörðum!  Eitthvað annað uppi á teningnum í ríki Bush!  Kannski að grasið þar sé "heilagt", samanber kýrnar á Indlandi?!!  Gamlinginn hann Martin, sem hið herlega, "heilaga" græna gras átti, lét vopnin tala, og á nú yfir höfði sé lágmark 18 ára fangelsi!  Þarf nú ekki lengur að "pirra sig" yfir átroðningi á  "grasi", því grasblettir í fangelsum þar vestra, eru sjaldgæfari en "uppstoppaðir geirfuglar" í íslenskum söfnum!  En mikið hefur Martin þessi verið orðinn helsjúkur á sinni sál, fyrst hann mat "grasið sitt" meira, en líf 15 ára drengs!  Ekki barna- eða unglingavænt þjóðfélag þarna vestur um haf, hjá Bush, eftir þessari frétt að dæma!  Heima er best!  Litla Frón lifi!  Svei mér, ef maður verður ekki mergjaður þjóðernissinni, af því að lesa blöðin !

Skaut nágrannann til bana fyrir að ganga á grasinu