Heimskingi....

  .... á heimsmælikvarða, þar með, húsfreyja,

  hafi ráðgjafyrirtækið, Apti Quant rétt fyrir sér..

  Jeminn!

  Húsfreyja er í öngum sínum.

  Veit samkvæmt hávísindlegri könnun þessari

  minna en núll og nix.

  Er Forrest Gump tölvuheimsins, án allra hans fínu

  hæfileika.

  Er til dæmis hrikalega léleg í Ping Pong, og veit minna en

  ekki neitt um rækjuveiðar og rækjuvinnslu.

  Sjálfsagt bara heppni, að húsfreyja asnast á frosnu

  rækjupakkana í Bónus þá hún kaupir í rækjusalat bónda.

  Jaso.

  Þetta er ljótt að heyra.

  Húsfreyja sér hér með á eftir allri sinni visku og vísindum

  niður í klósettskál Internet Explorer vafrans.

  Situr aðeins eftir með einhver brotabrot af hugviti, frá þeim tímum er

  Firefox var eini virki vafrarinn á kompjúter hennar,

  og þeim skiptum sem hún rápar inn Google.

  Helvíti er að vita þetta......eða vita.....nei....veit húsfreyja

  eitthvað framar?

  Er á mörkunum, húsfreyja........eða hvað?

  Eitthvað virðist könnun þessi "sérviskuleg" og ekki taka

  tillit til þess að fólk um allan heim lærði á kompjútera upp úr

  þrítugu, líkt og húsfreyja eða jafnvel fertugu, fimmtugu, sextugu

  þegar þær fyrst urðu almennar í notkun.

  Og maður notar það sem manni var kennt að nota.

  Þannig er það bara.

  Internet Explorer hefur reynst húsfreyju vel, þó hún brúki

  einnig aðra vafra, Google þar mest.

  Einfaldur og þægilegur í notkun, ekkert vesen og engin

  þörf á greindarvísitölu upp á 130 til að hann nýtist vel.

  Firefox er fínn líka, og tíu ára djásnið notar hann mest ásamt

  Google.....svo kannski sleppur hún við "heimskuna".

  Árangurinn það sem skiptir máli, er mat húsfreyju þegar kemur að

  vöfrum.

  Húsfreyja gefur Forrest Gump orðið að lokum:

  Stupid is as stupid get's.

  Góðar stundir á hlýjum águstsumardegi.

Notendur IE greindarskertir?

Athugasemdir

[e (IP-tala skráð) 4.8.2011 kl. 00:15]

Einungis trúgjarnir, heilalausir, leiðitamir, illa upplýstir, ósannmenntaðir og illa greinir sauðir/apakettir trúa copy/pasteinu sem íslenskir fjölmiðlar framreiða sem fréttir sem "staðreyndum". Hér er raunverulega fréttin: http://www.winrumors.com/internet-explorer-users-arent-dumb-study-was-a-hoax/ Fíflin láta gabbast, aftur og aftur og aftur. Þannig er saga fíflanna. Trúgirni þeirra er hættuleg mannkyni öllu og þeim sjálfum. FARIÐ NÚ AÐ SKILJA ÞETTA ÍSLENSKIR FJÖLMIÐLAR ERU COPY/PASTE FRÁ REUTERS 98% , hin 2% er svo professional copy/pasterar að reyna að vera "sniðugir" og "skapandi" með að setja svona augljóst gabb sem þarf ekki háa greindarvísitölu í að sjá getur ekki staðist, sem "frétt", sem þeir copy/pastea væntanlega frá the onion, þessir hálfvitar. Og er þó Mogginn skástur af mainstream mumbo-jumboinu sem matreitt er fyrir heimskan fjöldann!

[Einar Örn Gissurarson, 4.8.2011 kl. 11:03]

Reyndar, var þetta Copy/Paste frétt frá BBC og margar stofnanir um allan heim létu gabbast. Það er mikil hefð hjá flestum fréttastofnunum að fylgjast með öðrum fréttamiðlum, því annars væru þeir í hættu að sýnast einangraðir.

Íslenskir fréttamiðlar hafa ekki bolmagn til að hafa her af fréttamönnum á fullum launum stadda á öllum heimshornum og því þurfa þeir að nýta erlenda miðla, þegar kemur af erlendum fréttum.

Það er nú nokkuð nett pirrandi hvað fólk getur öskrað yfir öllu, haldandi að þeir séu skýrustu perurnar sem hafa allt á hreinu.

[Sigríður Sigurðardóttir, 4.8.2011 kl. 13:15]

Þakka ykkur herramenn. Það var auðsýnt frá upphafi, að "hávísindalega" ´könnun þessi væri eitthvað málum blandin, kannski bara til þess gerð að gera smá grín að henni og fá fólk til að bísnast svolítið eða brosa öðrum kosti. Hef alltaf dálítið gaman af "skrítnum" fréttum og ekki síður furðulegum könnunum....sönnum eða lognum.

[Sigrún Óskars, 4.8.2011 kl. 18:07]

þær eru margar skrítnar rannsóknirnar sem eru gerðar......