Heilt ár fyrir búðarhnupl?

  Þá eru það spurningarnar:

  Hversu langa dóma fá menn fyrir

  rjúfa skilorð eftir síendurtekið heimilisofbeldi?

  Eða fyrir síendurteknar kærur um ofbeldi eða nauðganir?

  Er það þá einnig "brot " á skilorði?

  Eða fyrir að vera endurtekið tekinn akandi á bifreið undir

  áhrifum vímuefna og brennivíns?

  Er máske búið að lengja allan refsitímann eins og leggur sig,

  allt eftir alvarleika brota?

  Jamm, merkilegt atarna, og hélt húsfreyja satt að segja að

  fangelsi vor hér uppi á litla Fróni væru yfirfull af dópkrimmum,

  morðingjum, nauðgurum, útrásarvíkingum og bankasnillum.

  En máske eru sísvindlandi, gráðugir útrásarvíkingar allir og vinalegir

  "vorum-ekki-með neinar-innherjaupplýsingar-bankasnillar" enn í

  "rannsókn", "verið að undirbúa kæru á þá...eða ekki", eða þá

   allir á "skilorði", svo enn er nægt pláss er fyrir

  "kardimommudropahnuplandi" glæpakvendi í steininum?

  Jaso!

  Húsfreyja vonar þá að kardimommufrúin fái að taka með sér

  eins og  eitt, tvö glös af dropunum góðu (ódrukkna)  í fangelsið....má þá

  altént hræra í eina góða jólaköku í fangelsiseldhúsinu,

  marmarateru og fleira gómsætt.

  Halda "kardemommu-veislu" með stæl og skála í botn fyrir íslenska

  dómskerfinu.

  Já, mikið er réttlæti þess og viska.

  HALLELÚJA.

  Góðar stundir, og munið að kardemommudropar eru bísna

  góðir í kökubaksturinn...í hófi.

Árs fangelsi fyrir að stela kökudropum

Athugasemdir

[Vendetta, 15.3.2011 kl. 19:16]

Því minna sem fólk stelur hér á landi, þess harðari er refsingin. Þeir sem stela milljörðum fá ekki aðeins að halda ránsfengnum heldur verður þeim aldrei refsað.

En athugaðu, að þessi kona fer í Kópavogsfangelsið og það er ekki yfirfullt. En þessi kona mun fara aftur í neyzlu þegar hún losnar og heldur sennilega áfram búðarhnuplinu, því að það hljómar eins og hún sé stelsjuk.

Ef henni tekst eftir afplánun að komast á "meðferðar"heimilið Vog, þar sem allt flýtur í dópi, þá held ég að hún verði ánægð. Því miður eru engin úrræði á þessu landi fyrir fólk í þessu ásigkomulagi.

[Sigríður Sigurðardóttir, 15.3.2011 kl. 19:25]

Það er blóðugt að viðurkenna, en því miður tel ég að þú hafir rétt fyrir þér Vendetta hér.  Því minna sem þú stelur því harðari refsing, og svo öfugt.  Og einnig hvað varðar vesalings konuna.  Fátt til um góð úrræði fyrir hana...ef þá nokkuð.  Þakka þér gott komment.