Má senda bensín...

  ..með Íslandspósti?

  Nú er bensínverðið allt í einu orðið skaplegast

  á Akureyri hinni undurfögru höfuðborg

  Norðurlands.

  Svo húsfreyju datt í hug að bjalla í

  frændur sína á Húsavík, og biðja þá að versla

  eins og eina tunnu af bensíni fyrir sig, næst þeir skryppu

  eftir snjóskóflum og Mogga inn á Akureyri.

  Og hvort hinn ágæti Íslandspóstur myndi ekki af

  sannri þjónustugleði, koma tunnunni til Húsfreyju,

  splæstu frændur í eitt eðal frímerki og skelltu því á

  gripinn og kæmu henni á pósthús Akureyrar?

  Húsfreyja myndi svo jafna þetta við frændur sína,

  og myndi með glöðu geði borga þeim skuld sína við þá,

  og það þó þeir sendu tunnuræfilinn í A-pósti og tryggða!

  Neipp, bara svona hugmynd á vorlegum degi í höfuðborginni,

  þegar húsfreyja er á leið austur í Þorlákshöfn, að vísitera

  systur og börn....keyrandi á okurdýru bensíni:

  TVÖHUNDRUÐ OG TÍU KALL líterinn!

  Húsfreyja taldi víst, þá hún síðast fyllti bifreið sína

  af bensíni, að hún hefði utangátta og út á þekju

  villst á eldsneyti, og fyllt á með eldsneyti fyrir "geimferjur" hjá ÓB.

  Svona eins og þær geimferjur þurfa, sem eru í "reglulegum geimferðum"

  milli tunglsins og jarða hjá NASA.

  SJÍSS!

  Taldi húsfreyja næsta víst að bóndi hennar biti af henni höfuðið fyrir svona

  líka hroðaleg mistök, og fór að plana flóttaferð "á puttanum"

  til Seyðisfjarðar. (Stutt í ferju til útlanda)

  En nei. 

  Þetta var "bensínverð" fyrir venjulegar frónverskar

  bifreiðar, þegar húsfreyja gætti betur að.

  En 10 ára djásni liggur á að komast austur,

  þó bensíndropinn sé dýr, svo húsfreyja kveður að sinni.

  Góðar stundir.  

Bensínlítrinn á 91,20 á Akureyri

Athugasemdir

[Birgir Guðjónsson (IP-tala skráð) 22.1.2011 kl. 13:52]

Skrítið

Er ekki að sjá þessi verð á:

http://www.gsmbensin.is/gsmbensin_web.php?region=n

[Arnar (IP-tala skráð) 22.1.2011 kl. 15:15]

Kíkið á dagsetninguna á fréttinni.

[jón (IP-tala skráð) 22.1.2011 kl. 22:10]

Já einmitt, þetta er frá 2001.

En það er í lagi. Það væri bara gaman að fá eina frétt frá 1985 þegar sígarettupakkinn kostaði 50 krónur. Reyndar ódýrasta tegund, Royal. En mér er sama. Alltaf gaman að rifja upp liðna tíð.

[Sigríður Sigurðardóttir, 25.1.2011 kl. 17:19]

Já, þakka ykkur herrar mínir fyrir þetta. Var lítið að pæla í dagsetningum fyrr en í lokin á pistilskrifunum... en var þá bara þokkalega lukkuleg með pistilinn..og lét hann vaða....hafði gaman að því að fá svona fínar undirtektir, þó fréttin væri orðin öldruð :)