Prins?... Al Gore...

  ... og "feitlagna, þreytulega" konan hans í Ameríku

  þar með komin sína eigin mynt í

  í hinu mikla veldi Bretanna.

  Al Gore Kananna svífur þá líklega um á sæluskýi um þessar

  mundir, og hefur aldrei átt eins góð og "myntslegin" Jól.

  Frú Gore, hans ektaspúsa, er hins vegar í fýlu aldarinnar,

  og pælir í því að lögsækja breska fyrir "myntfals",

  "einelti" og "kvenhatur"....eða hvað?

  Hehehehe.

  Húsfreyja er engu nær, hvaða fólk þetta er á hinni

  nýju gullnu mynd Bretanna.

  Og þó!

  Konan gætti gott eins verið Sigga móðursystir á yngri árum,

  og maðurinn Gústi í Gíslholti nýrakaður á sunnudegi

  árið 1967....hehehe.

  En þar sem Sigga móða er löngu látin og bjó þar að auki

  á Ísafirði, en Gústi  rakinn Eyjamaður í húð og hár,

  og þau bæði verið vel gift allt öðru fólki, veit hún ekki hvers vegna

  Bretinn ætti að slá mynt af þeim tveim "saman" árið 2010.

  En máske er Bretinn bara óflinkur í myntsláttu yfir höfuð.

  Gerir hesta að "úlföldum" á myntum sínum, dúfur að "strútum",

  og prinsa sína að Al Gore og prinsessur allar búlduleitar, þreyttar og feitar?!

  Jamm, ekkisens óáran.

  Þeir bresku ættu máske að bjalla í  oss  mergjaða "hryðjuverkamenn" hér uppi á

  litla Fróni, og láta "myntsláttumenn" vora redda nokkrum

  góðum gullmyntum af kóngaslektinu fyrir brúðkaupið.

  Myndum aldeilis rúlla því upp hér uppi á Fróni.

  Erum svo hrikalega flinkir að ná góðum "freðýsum" á myntir okkar,

  sem og öðrum fisktegundum.

  Kíkið bara á hundraðkallinn og krónuna!

  Góðar stundir og passið vel upp á "klinkið"...kemur sér oft vel að

  eiga nóg af því.

Búlduleit prinsessa

Athugasemdir

[X (IP-tala skráð) 25.12.2010 kl. 18:01]

Íslenska krónan er fallegasta mynt heimsins. Ekki aðeins sýnir hún þakklæti fyrir lífsbjörg vora og auðlindir hafsins, heldur er fiskurinn hið forna tákn frumkirkju kristinna manna, og hinna, sönnu hreinu fornu kenninga Krists, sem nú eru að mörgu leyti orðnar spilltar, en fiskurinn er tákn hins sanna boðskapar Krists sem veitist uppljómuðum mönnum að nema í þessu lífi. Þetta er því háandlegt og hreint tákn. Embættismannadýrkun er leifar konungsveldið og það væri Íslandi til minnkunnar sem einu elsta lýðveldi heimsins og eins hins markverðasta vegna sögu alþingis okkar, að halda í slíkt kóngasnobb, bábiljur og stéttaskiptingu frá leyfum gamla tímans sem nú fer senn að líða alfarið undir lok. Frelsishetjur einar og baráttumenn fyrir betri heimi eiga skilið að vera slegnir í mynt, ekki tildurmenni og táknmyndir gamla heimsins. Ísland ætti að losna við alla óþarfa embættismenn af mynt sinni og hætta að skíra götur eftir fólki, svo sem borgarfulltrúum, eins og nú er verið að gera í nafni skammsýnnar, óupplýstrar pólítískrar réttsýnni, frá velmeinandi, andlega hæfileikaríku, en fáfróðu og óupplýstu fólki sem ekki hefur fengið rétta andlega kennslu og þekkingu. Þess í stað ættu máttug tákn svo sem fiskurinn og annað sem stuðlar að velferð, vernd og framgangi íslenska lýðveldisins að fá að skreyta mynt okkar, götunöfn og annað slíkt. Leið Íslands til framgangs er að nota andlegar leiðir til að ryðja okkur braut öðrum til blessunnar. Til þess þarf visku og þekkingu og að hugsa stórt og langt, langt, langt fram í tíman, sem og inn í mannlega undirmeðvitund og óravíddir sálarinnar, og sleppa alfarið pólítískri réttsýni og heimskulegum kröfum stundar og staðar sem líða undir lok, og hafa engan mátt eða kraft.