Fjórar flugur....

  ...slegnar með einu höggi,

  þegar vér "bakstungnir" og "samsærisplottaðir"

  borgarbúar kusum ágætan borgarstjóra vorn,

  í síðustu borgarstjórakosningum.

  Fengum "grínara", karlmann, "ísbjarnarvin" og

  nú síðast KONU sem borgarstjóra.

  Hvað getum við haft þetta betra?

  Viljum við nokkuð hafa þetta öðruvísi...eða "hinsegin"...hehehe?

  Ja, húsfreyja bara spyr!

  Er sjálf á blússandi fart upp um allar jarðir, sveitir, hreppa,

  sýslur og hvað ekki síðustu daga, enda næturstaður

  einn herlegur sumarbústaður í uppsveitum Suðurlands.

  Heldur áfram för á morgum í næsta bústað...en nú

  norðan heiða, með viðkomu í einni skírnarathöfn einnar

  lítillar stúlku, fjórða afabarn bónda, á leiðinni.

  Asskoti er bóndi orðinn GAMALL...margfaldur afi,

  en húsfreyja ekki einu sinni orðin amma!

  Jamm, það er aldeilis munur að vera svona bráðUNGUR!

  En djásnið vill í kompjúterinn næst.

  Góðar stundir og gætið ykkar í sumarbústaðartraffíkinni!

Óvæntur gestur

Athugasemdir

[Anna Dóra Gunnarsdóttir, 5.8.2010 kl. 23:31]

Ég er nú bara sveitalarfur, en hef samt skoðun á borgarstjóranum í Reykjavík. Mér finnst hann flottur og hef bara gaman af að sjá að hann leyfir sér að slá á létta strengi. Hvort hann sem borgarstjóri eða leikari setti samkomu samkynhneigðra veit ég ekki, en hann gerði það með stæl, enda maðurinn leikari af guðs náð. Gott hjá Jóni Gnarr.

Tek þó fram að ég hef ekki hugmyd um hvað hann gerir í vinnunni á daginn og hvernig hann stendur sig við stjórnvölinn.

[Sigríður Sigurðardóttir, 5.8.2010 kl. 23:50]

Þakka þér þetta, Anna Dóra...sammála þér Gnarrinn er bara flottur, en ég tel leikarastéttina hafa misst frábæran starfskraft þegar hann varð borgarstjóri.  En gaman að Gnarr skuli alltaf vera samkvæmur sjálfum sér, mætir á auðvitað á knallið hjá samkynhneigðum dressaður sem kona...hann er bara SNILLD!  Svo er eftir að sjá hvort hann kann eitthvað til verka við að stjórna heilli borg....kemur í ljós og mig grunar að hann geti komið á óvart þar, sem á öðrum vígstöðvum.

[Sigríður Sigurðardóttir, 5.8.2010 kl. 23:54]

P.S Sveitalarfar eru mínir forfeður svo langt aftur í ættir sem ég kann að leita....eru að mínu mati kjarni frónversku þjóðarsálarinnar...svo vertu stolt af því hver þú ert, og hafðu ÆTÍÐ skoðanir á höfuðborgarmálunum....kemur okkur öllum til góða.