Rangur maður á röngum tíma...

  ....í vitlausum bæ.....kolvitlausri árstíð...

  ...eða hvað?

  Blessaður karlinn hefur auðvitað örvinglast

  af angist yfir "lélegri nýtingu" í vetur á

  "gengistryggða" hálfrar milljón króna snjósleðanum

  sínum, sem keyptur var 2007.

  Árið sem Frónbúar allir misstu "fjármálavitið",

  gerðust "óheppilegir bruðlarar" ala Pétur Blöndal,

  og brjáluðust í "flatskjáakaupum" og "bílakaupum"

  sem bökkuð voru upp með kolólöglegum mynkörfulánum.

  Jamm, það er slæmt að vera rangur maður á röngum tíma

  á snjósleða um hásumar á Seyðisfirði.....meira að segja í glasi.

  Verra að vera viti firrtur fjármálavitleysingur, hryðjuverkamaður

  og "óheppilegur bruðlari" með kerlingafáluna hana "Ísbjörgu "

  á bakinu......og flestir bláedrú!

  Húsfreyja hefur aldrei á sinni meðallöngu ævi setið uppi með eins margar

  og "glænýjar skilgreiningar" á sjálfri sér og þjóð sinni og nú.

  Stendur vart undir þessu húsfreyja.

  Viti firrtur fjármálavitleysingur?...sei sei jú.

  Fer létt með það.

  Býr í 3 herbergja íbúð,  sem hún á ekki krónu í,  þrátt fyrir

  að hafa borgað háar mánaðarlegar greiðslur af henni, í 14 ár.

  Ekur bifreið sem hún á minna en krónu í, þrátt fyrir að hafa

  borgar háar mánaðarlegar afborganir af henni í 6 ár.

  Horfir á flatskjá sem hún fékk í arf frá fóstursyni, sem hún skuldar

  þrefaldan, miðað við lánagreiðslur þær sem hún tók við af fóstursyni.

  Viti firrt!

  Ekki spurning.

  Hryðjuverkamaður?

  Er í déskotans vandræðum og basli með það.

  Á engin vopn nema bitlausa eldhúshnífa,

  nokkra títuprjóna og saumnálar, húsfreyja.

  Bóndi húsfreyju, að vísu  með ryðgaðan

  "bannað-að-veiða-rjúpur-nema-á-kvart-tungli-

  í-hríðarbyl-þá-Steingrímur-sést-brosa-á-þingi-byssuhólk"

  niðri í bílskúr, en hann kann húsfreyja ekkert að brúka.

  Drepa mann og annan...gjörsamlega VONLAUS, húsfreyja þar.

  Valdi sér að lífsstarfi að BJARGA mannslífum í lengstu lög og bæta

  líðan þeirra sem eigi varð borgið.

  Jamm, afspyrnu LÉLEGUR hryðjuverkamaður, húsfreyja.

  Óheppilegur bruðlari?  Eða Pétur Blöndal-isti?

  Húsfreyja er hreint ekki örugg að hún skilji "konseptið" hjá ágætum

  Blöndal hér.

  Óheppilegt, þar sem Pétur er eitursnjall að koma fram með ný "konsept",

  oss "óheppilegum bruðlurum" til umhugsunar og hjálpar á

  ögurstund.

  En húsfreyja heldur að hún sé að kveikja á Pétri og hans "konseptum".

  ERGO:  "Þið viti firrtir fjármálavileysingar "skituð upp á bak"

  í góðærinu, svo nú verðið þið að BORGA fyrir allan ykkar drulludamm,

  og damm útrásasvíðingana, damm fyrrum bankaeigenda,

  nú og alla þá skítaflórsdamma sem okkur hér niðri á þingi

  hugnast að láta ykkur borga fyrir!  Og HANANÚ!

  Jamm og jaso.

  Ekki er það gæfulegt.

  Máske að húsfreyja kanni hvort hún fái ekki "góðan díl "

  upp á einn herlegan snjósleða,

  og skelli sér norður í land og taki eina salibunu upp á

  Húsavíkurfjall!

  Snjórinn!

  Algjört AUKAATRIÐI!

  Sýna fram á "viti firrta nýtingu" aðal málið.

  Góðar stundir og skemmtið ykkur varlega á snjósleðum í sumar.

Drukkinn á snjósleða um mitt sumar

Athugasemdir

[Þorgils Hlynur Þorbergsson (IP-tala skráð) 20.7.2010 kl. 19:09]

Þetta var á Seyðisfirði. Hann hefði kannski frekar átt að vera á reiðhjóli í blíðunni...?:-)

[Þorgils Hlynur Þorbergsson (IP-tala skráð) 20.7.2010 kl. 19:18]

Eða líklega hefði verið langbest fyrir hann að vera fótgangandi,,, :-)

[Sigríður Sigurðardóttir, 21.7.2010 kl. 12:24]

Þakka þér kærlega, Þorgils...sammála tveir jafnfljótir skásti valkosturinn fyrir stút þennan...nema auðvitað að hann viti af sérlegu leynilegu "veðrabelti" í nágrenni Seyðisfjarðar þar sem snjóar á öllum tímum og alltaf eru Jól...hehehehe!   Jólasveinaland....kannski?