Hva...er búið að hækka...

  ....hraðaksturssektina upp í 250 þúsund kall???

  Djö....það hefur þá alveg farið fram hjá húsfreyju.

  Eitthvað stórt hlýtur að hafa gerst í "umferðarátakandi"

  lögregluumdæmi Húnvetninga!

  Eða hvernig í ósköpunum annars, hafa þeir efni á að gera

  út sjálfa þyrlu Landhelgisgæslunnar, til þess eins að

  nappa menn á hraðferð??

  Eða grípa "stúta" í vegriðasveiflum og "skurðadýfum"?

  Eru hinir "hraðsektaelskandi" lögregluþjónar Húnvetninga

  komnir á "sérfjárlög" hjá Ríkinu.....eða er Umferðarráð búið að

  fá samþykkt að þeir húnversku megi rukka menn fyrir

  bifreiðalegan glannaskap, drykkju og búfjársdráp

  í "gengistryggðum EVRUM...."?

  Eða japönskum ofurtryggðum jenum?

  JEMINN.

  Húsfreyja er komin í sumarfrí....HALLELÚJA....ÓLEI....ÓLEI...YESS!!!

  Afsakið missti sig aðeins þarna, húsfreyja.

  En húsfreyja á nú inni eitt ágætis heimboð frá tengdó

  sínum, sem fyrir tóma hrekki, pretti og svik örlagadísa, húsfreyju,

  ÞURFA endilega að búa í Húnavatnssýslu!

  Húsfreyja hefur þrisvar á meðal langri ævi sinni

 verið tekin fyrir of hraðan akstur.

  Einu sinni á 41s kílómetrahraða á í gegnum hverfi sem

  nýlega hafði tekið upp 30 kílómetra hámarkshraða.....

  bévítans ökusvíðingur húsfreyja, þegar sá gállinn er

  á henni.

  En hin tvö skiptin bæði.....aha...í Vestur-Húnavatnssýslu.

  Nösk eruð þið.

  Þarna var húsfreyja í sinni herlegu bifreið, að dást að

  náttúruundrum Hrútafjarðar, hrossum með tögl og föx

  í beinni línu út frá líkömum sínum í þokkalega svæsnum

  vindblæstri, þegar...babú...babú...babú...blikk...blikk..blikk.

  Húsfreyja hélt eitt andartak að hún hefði ekið inn á

  "útihrossadiskótek" fyrir forvitna höfuðborgarbúa á

  ferðalagi um húnverskar grundir...en NEI!

  Ofurljúfir þjónar laganna í Húnavatnssýslu

  höfðu mælt húsfreyju á 107 kílómetra

  hraða...."MJÖG ALVARLEGT BROT, FRÖKEN,

  en gáfu lítið út á spurningu húsfreyju um

  bifreiðarnar tvær sem nýverið höfðu "FARIÐ FRAM ÚR HENNI!

  Sneypt og niðurlút og SEKTUРhélt húsfreyja áfram

  á 90 kílómetra löglegum hraða.

  Erkisvíðingarnir sem höfðu farið fram úr henni á 107 voru báðir

  komnir í snarl í sjoppunni á Hvammstanga, þegar hún

  ók þar hjá.

  Jamm.

  Og nú er sem sagt húsfreyja á leið til Hvammstanga

  aðra helgi, enn og aftur.

  Með sveimandi þyrlu yfir höfði sér, blikkandi löggubíla á

  hælunum, og hrossin utan vegar eru löngu orðin

  kúguppgefin á því að reyna að standa af sér storm

  með tögl og föx út í loftið og eru löggst fyrir í skjóli.

  Ó, húsfreyju arma!

  Máske húsfreyja athugi hvort hún geti ekki leigt sér

  einn herlegan "míní-scooter", þessa sem komast aðeins

  55 kílómetra hraðast, skelli svo djásninu á bögglaberann,

  bóndinn fer í "hliðarvagninn með farangrinum",

  og brunar síðan fjölskyldan á 2-3 sólarhringum norður í Húnavatnssýslu....

  ....það er þá passlegt að snöfla í sig einni eðal kvöldmáltíð

  hjá tengdó, gista eina nótt og halda heim aftur í býtið

  næsta morgun!

  Jamm.

  Það gengur mikið á í Húnavatnssýslunum.

  Aldrei dauður tími.

  En góðar stundir og farið varlega í umferðinni.....og LÖTURHÆGT

  í Húnavatnssýslunum!

Fylgst með umferð í Húnavatnssýslum

Athugasemdir

[Sauradraugur (IP-tala skráð) 15.7.2010 kl. 20:52]

Löggur í öðrum umdæmum en Húnavatnssýslum segja (með smá öfund kannski?) að löggurnar á Blönduósi fái prósentur af innheimtum hraðasektum skv. samningi, sem gerður var við þá af Þorsteini Pálssyni, þegar hann var dómsmálaráðherra fyrir margt löngu. Ekki hafi fengist að útdeila þessum "gæðum" víðar, né heldur að afturkalla þau frá Blönduóslöggum. Kannski er þetta rétt, kannski ekki, hvað veit aumur draugur?

[Sigríður Sigurðardóttir, 15.7.2010 kl. 22:29]

Það skyldi þó aldrei...nah....heldurðu það, draugur?  Það læðist að manni grunur.....

[assa (IP-tala skráð) 16.7.2010 kl. 00:59]

Auðvitað ber að virða lög og reglur, en þær verða þá að vera sanngjarnar! Það er fáránlegt að frávik séu einungis 3 km. Maður þarf stanslaust að vera setja upp gleraugun bara til að tékka á hraðamælinum af og til. Verð að segja að það er dálítið truflandi og alls ekki gott til afspurnar að þurfa hafa meiri athygli á helv...mælinum en umferðinni í kringum sig!

[Sigríður Sigurðardóttir, 16.7.2010 kl. 10:56]

Sammála þér, assa, virða skal lög og reglur.  Enda flökraði aldrei að mér að neita að greiða fjársektir mínar fyrir hraðaksturinn.  Hversu blóðugt sem það virðist vera, er maður á engan máta fullkominn og gleymir að kíkja á hraðamælinn reglulega.  Tala ekki um þegar traffík er, framúrakstur í gangi og mikilvægt eins og ætíð, að hafa hugann við veginn, umferðina  og umhverfið.  Þeir eru svo snöggir að grípa mann glóðvolgann í Húnavatnssýslunum...enda með snarari mönnum sem ég hef kynnst.