Rifin nögl og glóðarauga...

  ... á leiðinni til húsfreyju aðra helgi.

  Systir í Eyjum sendi eldri peyjana sína

  tvo upp á land til múttu húsfreyju og systur

  í Þorlákshöfn í vikunni.

  Bættust frændurnir Aron (9 ára) og Árni (8 ára)

  við fríðan hóp systur í Þorlákshöfn, og afraksturinn

  lét ekki bíða eftir sér:  Ein afrifin nögl á fingri og

  fjólublátt glóðarauga ala Rocky!

  Peyjarnir hennar systur í Þorlákshöfn eitthvað

  að fá að kenna á því...en peyjar systur í Eyjum eru

  skyndilega mjög "heyrnadaufir"...þegar spurt er út

  í atburðarrrás!

  Sjálfsagt öll "sjávarseltan" í Eyjunum....breytir venjulegum

  eyrnarmerg í "steinsteypu"....þurfi eitthvað að

  útskýra "stórslys eða meiðsl".

  Svo aðra helgi ætlar systir í Þorlákshöfn að smella

  sér með hinn "glóðaraugaprýdda" Vigra á fótboltamót

  á Skaganum, með viðkomu hjá húsfreyju.

  Svalan, Aron, Siggi Freyr og Árni Bæron munu

  verða eftir og gista eina 2 sólarhringa.

  Átta ára djásnið er alsælt.

  "Ooooo...mamma ég hlakka svo til.....hlakkar

  þig ekki líka til"??

  O jú, húsfreyju hlakkar til....alltaf gaman að hafa

  líf og fjör í kringum sig...og það fylgir svo sannarlega

  litla liði þessu.

  Þrælar liðinu í fjölskyldugarða....fjöruferðir....bíóferðir...

  og skipuleggur matar- og háttatíma grimmt.

  Æsir sig óstjórnlega fjölgi afrifnum nöglum á fingrum

  og fjólubláum glóðaraugum....og tryggir það að

  "steinsteypa" sé fjarlægð úr eyrum þá hún

  mælir af vörum sér vísindi og visku!

  Tekur fram "þolinmæðisgenið" sitt, fínpússar það

  og hressir við!

  Athugar hvort "jaxlarnir" séu ekki vel bithæfir í

  óvæntum uppákomum, og athugar hvort hár

  sé ekki í fínu lagi fyrir smá "hárreytingar" af

  örvæntingu af og til.

  Og hún stendur klár í slaginn.

  Verður stuð, líf og fjör!

  Vesen?

  Ekki spurning.

  Nóbelsverðlaunahafar í veseni,

  húsfreyja og hennar stórfjölskylda.

  En það verður bara að hafa gaman af því líka.

  Góðar sumarstundir.