Norræn samvinna í hnotskurn.....mygluð?

  Afleysingadoktorinn var að fá sér

  kaffi eftir stofugangsyfirferðina.

  "Já, vinur minn skrapp til Stokkhólms,

  og ætlaði að vera í fríi í vikutíma.  En

  þegar hann var búinn að vera í 3 daga

  og búinn með sænska 100 kallinn sem

  hann hafði með sér, ætlaði hann að ná

  í smá aur í hraðbanka.

  En "forlota mej" þessi úttekt er ekki

  samþykkt...í "öllum" sænskum hraðbönkum,

  svo vinur minn kom sér bara heim "með hraði",

  gat ekki einu sinni keypt sér snarl í sænsku

  fríhöfninni, sagði doktor hneykslaður.

  Og í dag ræðir Haarderinn við "norræna"

  ráðamenn, á meðan á öðrum stað í málgagninu

   er frétt um að sænskir bankar standi vel að vígi.

  Og hvað?

  Jú, "norrænir" ráðherrar eiga að mæta á

  sérstakan fund í Helsinki í "lok" október.

  Spurningin er:  Fer fyrir Haarderanum eins

  og vini doktors? 

  Spýta finnskir hraðbankar kortum hans

  út úr sér með fílu og NO THANK YOU, TAKE

  YOUR BUISSNESS ELSEWHERE?

  Er þetta norræn samstaða og samvinna

  á efiðum tímum?

  Erum við frónbúar aftur komin í sömu

  spor, og þegar við urðum að "grátbiðja"

  dani um að senda lágmark eitt skip á

  ári, fullfermt af ormétnu mjöli?

  Er norræn samvinna eingöngu "listræn og

  menningarleg"?

  Öruggur fjárhagur þegna algert aukaatriði

  þegar kemur að "samvinnu" Norðurlanda?

  Þá hugsi bara hver um sig og.....

  CRASH AN' BURN BABY.....

  ....þetta er þitt mál?

  Húsfreyja hefur hingað til tekið hóglega lítið mark

  á svona vandræðasögum um kortaviðskipti landa

  sinna á hinum norðurlöndunum. 

  Bara Gróa að kynda undir kötlum og æsa upp, hélt hún. 

  (Hitti samstarfskonu sína í morgun, sem var að koma

  frá Dublin, og hafði sú ekki lent í neinu brasi eða

  vandræðagangi með kortið sitt í hraðbönkum þar.)

  En nú eru farnar að renna tvær grímur á húsfreyju.

  Hún hefur ætíð talið að þrátt fyrir ágreining og

  beitt skoðanaskipti, stæðu norrænu þjóðirnar

  saman þegar á reyndi.

  En kannski er það aðeins, þegar hægt er að

  redda málunum og sýna samstöðu með einum

  skipsfarmi af mygluðu og ormétnu mjöli.

  Jamm, merkilegt og þarft starf, norræna

  samvinnan á tímum kreppu og þrenginga,

  og alltaf gott að eiga góða að.

 

 

 

Norrænir ráðherrar ræða stöðuna