Séð fyrir endann á styrjöldinni...

...um sjónvarpið fyrir botni Grafarvogs.

  Eftir hartnær þriggja vikna stöðuga

  bardaga þá fréttatími nálgast á

  RÚV, með skæruhernaði og og stöku

  loftárás um helgar þá íþróttir eru

  sýndar á sama tíma og barnaefni, er

  friður loks í augsýn.

  Fór svo að vopnaðar sveitir B.G.S höfðu

  betur, með grát, hurðaskelli og mömmuklaganir

  sem leynivopn.

  Varð vösk sveit "þreyttra húsfeðra" að lýsa yfir

  algerum ósigri, og fjárfesta í 14 tommu sjónvarpstæki

  fyrir sigursæla sveit B.G.S, og það með "innbyggðum"

  DVD-spilara.

  Græjan sett í gagnið á "nótæm", og svei mér ef ekki

  heyrist aftur fagur fuglasöngur síðdegis í húsum

  húsfreyju, hér fyrir botni Grafarvogs.

  Regndropar heyrast falla á síðkvöldum í góðum

  regnskúr, og húsfreyja er aftur farin að heyra

  "hleyptu-mér-inn-mjálmið" hennar kisu á kvöldin.

  Bergmál hurðaskella er fjarlæg minning, og þrumuraust

  bónda með góðri eldingu á eftir, er hætt að berast grönnunum.

  Sér nú húsfreyja fram á betri tíð, með sölnuðum skrjáfandi

  laufblöðum í haga, sæta langa haustdaga.

  Stöð tvö "friðarspillirinn" alræmdi, er komin til að

  vera, segja fyrrum ófriðarseggir, svo annað

  sjónvarp var það eina sem hægt var að sættast á

  í stöðunni.

  Og húsfreyja getur aftur hætt sér fram á "vígvöllinn",

  þ.e. sjónvarpsholið, og duddað sér svolítið í

  kompjúternum.

  Þarf ekki lengur að kúra öll kvöld inni í rúmi og

  syngja á háa séinu...

    Blátt er blárra en blátt.

    Hátt er hærra en hátt.

    Hæst ber jökulinn

    og fjær er haf og strönd.

    Hátt ber jökulinn

    með ókunn víðfeðm lönd.

  ....með Agli Ólafss. eða "Kossa án vara" með Bubba.

   Allt fallið í ljúfa löð, komin á ró og spekt með

  friðsemd og einhug.

  Húsfreyja reyndar dottin í astmaskít, enda mætt aftur

  til starfa.

  Alveg magnað hve "eitrað" loftið getur orðið

  á heilbrigðisstofnunum.

  Allt vaðandi í kvefvírusum, magapestarvírusum,

  hitapestavírusum og allrahanda fúlum

  haustvírusum.

  Vill sem minnst af slíku "hústökuliði" inn í sitt

  "lífræna" kerfi, húsfreyja, því þá rifnar upp

  helv...astmaskíturinn, sem aldrei fyrr.

  Sér húsfreyja einnig fram á annasamt og

  gestkvæmt haust og vetur.

  Tengdó í augnsprautum tengdamúttu einu

  sinni í mánuði, og systir úr Eyjum með sinn elsta

  prins í læknaeftirliti einu sinni í viku, fram að

  áramótum.

  Svo hún hreinlega hefur ekki tíma í bévítans

  ekkisens astmaskít, slen og veikindi.

  Og svo er hún á leið til Prag í nokkra daga,

  nú í Septemberlok, svo það er eins gott að

  heilsutetrið verði þá upp á sitt besta....enda

  húsfreyja á leið til síns heimilislæknis í fyrsta

  sinn í 4 ár í vikulok.

  Hana!

  Það hlaut að koma að því!