Sársaukafull borgarstjórn.

  Húsfreyju sárverkjar í munnvikin, eftir hverja

  grenjandi fyndna uppákomuna eftir aðra, í borgarstjórn

  borgarinnar við sundin bláu.

  Jakkaföt út um alla borg í tætlum eftir "rýtingsstungur" í bakið.

  Endalaus fjöldi af borgarstjórum, sem annað hvort

  eru nýhættir, nýbyrjaðir, stungnir í bakið, skrítnir

  til augnanna, farnir á tauginni, týnandi minnismiðum,

  búnir að skíta á sig í REI-málum,

  og sem þurfa að fá að "vinna í friði"!

  Og allt stóðið á myljandi fínum launum, eða á enn

  betri biðlaunum.

  "Bakstungufundir" haldnir reglulega, og

  fundnir nýir "endastaðir"....(ætli það séu "rassgöt"?).

  En á meðan er framkvæmdum borgarinnar slegið á

  frest út það eilíflega, nema kannski þær að reisa

  einn myndarlegan "tónlistarendastað" við höfnina.

  Allt annað er á "jaðarmörkum"!

  Flugvöllurinn annað hvort úti eða inni, úti á rúmsjó

  eða upp til fjalla....nú eða týndur og tröllum gefinn.

  Neyðarhúsnæði fyrir ógæfusamt útigangsfólk tilbúið,

  en ónothæft vegna lóðaleysis, og lóðir gamalla

  brunarústa á besta stað í miðbænum látnar standa

  auðar....svona allavega næsta árið.

  Helst er húsfreyja á því, að allir í borgarstjórn hafi

  lent í slæmum "andagangi" þarna niður við tjörn,

  (samanber "draugagangi")

  og séu orðnir "andsetnir"!

  Hafi fengið bévítans fiðurféð á heilann, og geti

  einungis hugsað í stuttum "brabra"-setningum, og

  tengt þær vitrænt við tónlistarhús og götuframkvæmdir.

  Allt annað tætist eins og reittar fjaðrir af aliöndum

  út í veður og vind.

  Og þá er bara eitt til ráða, þegar svo er komið:

  FÁ NÝJAN BORGARSTJÓRA.

 

 

 

Samstarfið á „endastað"

Athugasemdir

[Hólmdís Hjartardóttir, 14.8.2008 kl. 20:54]

góð