Heilsuböl og harmatölur.

  "Þar fór helmingurinn af lifrinni, ásamt öðru lunganu", húsfreyja

  náði vart andanum þar sem hún sat á rúmstokk sínum eftir hóstakastið.

  "Bévítans, ekkisens, árans óþverrapest með astmaskít og hroða",

  hugsaði húsfreyja sótsvört.  "Og það klukkan tólf á miðnætti, þegar

  allur alheimur á norðurhveli jarðar, á að sofa á sitt græna eyra".

  Húsfreyja snýtti sér, pústaði sig, skóflaði í sig matskeið af hóstasaft

  og skellti VapoRub á hálsinn.

  Hana!

  Nú skyldi sko sofið!

  Ekkert HÓST...HÓST....HÓST...kjaftæði.

  "Verð annars búinn að hósta upp öllum mínum líffærum í fyrramálið,

  og verð að láta skrá mig á biðlista hjá skurðlæknafélaginu, til að

  fá þau innplöntuð í skrokk minn aftur", húsfreyja glotti að

  gálgahúmor sínum.

  "Það yrði saga til næsta bæjar ef hún yrði að geyma bæði lungu og

  lifur í krukku uppi í hillu,  í "geymsluvökva", næsta hálfa árið".

  Út frá skemmtihugsunum þessum steinsofnaði húsfreyja, og svei

  ef hún var bara ekki með "öll" sín innyfli innanborðs þá hún vaknaði

  í morgun.

  Smá gauf og gutl í þvotti svo í dag eftir Eucalyptus- og Camphorubað.

  En reyndar aðeins búin að fá eitt slæmt hóstakast í dag,

  sem er mikil framför frá einum 14 í gær.

  Boffsar eins og íslenskur hundur í ham í réttunum af og til,

  en það er  bara smotterí.  Ekkert sem hunangsteð ræður

  ekki við.

  Sú stutta hefur tekið gleði sína aftur, þar sem mömmueintakið

  er skriðið fram úr rúminu, og tekið við að bjástra við gutl og

  gauf innanhúss.  Og hefur mamman bara "blánað" illilega, einu sinni

  í dag.

  Þykir henni nú óhætt að fara að minnast á ferðir í sund, og

  austur fyrir fjall-ferðir aftur.

  Hefur reynda notað aumingjaskap múttunnar óspart á pabbann,

  og er búin af fá McDonaldshammara í kvöldmat 2 daga í röð.

  Húsfreyja lítt hrifinn af því að standa og hósta ofan í matarpotta,

  svo heilsusamlegt mataræði fyrir prinsessuna hefur farið til helv.... ´

  síðustu 2 daga.

  Verður EKKI til umræðu í kvöld, McDonalds, því lofar húsfreyja.

  En annars er bara að birta til hjá húsfreyju, og að styttast í

  sumarbústaðaferðir, heita potta, grill og göngutúra í náttúrunni.

  Fer í næstu viku til ferða.

  Getur húsfreyja altént hóstað af gleði yfir því.

  Góðar stundir.