Leitin mikla.

  Ef húsfreyja á að vera alveg "ærleg", þá þykir henni það "klárt" mál,

  að Frónbúar séu komnir með "glýju" í augun af of mikilli sól

  síðustu daga.

  Dansa nú hvítar "ísbjarnarflygsur" fyrir augum þeirra, er útivist

  stunda, og senda þeir ísbjarnafréttir sem óðir séu, til lögreglu norðan

  heiða.

  Er nú hið "hraðsektavæna" lögreglulið Blönduósinga kófsveitt á

  harðahlaupum á eftir "bleikum klárum og hvítulluðum hrútum", upp

  um fjöll og firnindi, með danskt ísbjarnabúr í eftirdragi.

  Og ríkið tapar þar með stórfé sem annars kæmu í

  ríkiskassann sem sektir fyrir of hraðan akstur.

  Og verra er, að ekki mega hinir harðsnúnu verðir laganna

  einu sinni "skjóta sér sauð í soðið", þó þeir verði fjandi

  svangir á þessum bévítans hlaupum eftir íslenskum

  húsdýrum í "ljósum lit"!

  Næsta vísta að lögreglumenn norðan heiða verði orðnir "grannholda"

  mjög eftir sumarið, svo ekki þurfi nema létta golu til að þeir fjúki

  um koll, þá haustvindar taka að næða um norðurlandið.

  Verður þá lítill töggur í þeim, þá slagsmálahundar á dansleikjum

  fara að berjast og brýna hnífa sína á haustdögum.

  Kannski að Baunarnir vilji þá senda okkur "úrvalssveit" þykkholda

  bjórvamba, til aðstoðar, þá skóinn kreppir að lögreglusveit norðanlands?

  Snöggir voru þeir að redda ísbjarnarbúrinu fyrir okkur.

  Getum kannski geymt slagsmálahundana í því, þá fangageymslur

  fyllast um helgar?

  Myljandi ísbjarnarblús á voru litla landi.

Bjarndýrsútkall í Langadal

Athugasemdir

[Sigrún Óskars, 27.6.2008 kl. 23:59]

Góð hugmynd fyrir danska búrið.