Barlómur og heilsufár.

  Mergjuð hitapest, með sleni og astmaskít hefur herjað á húsfreyju síðustu daga, svo hún er vægast sagt í megnu óstuði.  Og svona til að leggja til sitt framlag til heilsufársins, ældi kötturinn úti á sólpalli...TVISVAR!  Húsfreyja ekki hrifin.

  Í dag hefur húsfreyja hangið í öllum opnum gluggum, í von um að ná "andanum", milli þess sem hún gaufast og gutlast í húsverkunum.  Sú stutta er inni á herbergi sínu, þaðan sem "This is my life" er að hljóma í 39unda sinn.  Hún alsæl með úrslitin, enda kaus hún vinningslagið. 

  Húsbóndinn á leið til hins herlega veldis Bretadrottningar, að skoða og gera tilboð í pressur....NEI, ekki ávaxtapressur, heldur brotajárnspresssur, upp á fleiri, fleiri tonn.

  Húsfreyja farin að leita sér andlegrar hjálpar í ljóðabókum sínum, og gott ef Steinn Steinarr hefur ekki náð tilfinningum og angist hennar með þessu hér:

Ég minnist þess,

að fyrir átján árum

stóð opinn lítill gluggi

á þriðju hæð.

Og fólkið tók sér hvíld

eitt andartak

og horfði dreymnum augum

út um gluggann.

Þá brá ég við

og réð mann til mín,

sem múraði upp í gluggann.

(UNIVERSITAS ISLANDIAE)

 

  Steinn alltaf góður.  Litla manneskjan þarf í kompjúterinnn.  Hlaða upp fyrir næstu spilun af "This is my life".