Frábær slysadeild.

  Léti aldrei sjá mig á slysadeild Landspítalans með kvef, hálsbólgu, eða jafnvel vott af stækri lugnabólgu.  Hef heyrt af óheyrilega löngum biðtíma þeirra er slíkt stunda á slysó, og hætti ég mér miklu fremur í  "vírusa- og sýklagróðrarstíuna" á læknavaktinni í Kópavoginum, þegar og ef mergjaðir streptokokkar ásækja háls minn og munnhol, og hóta skemmdum á hjartalokum, ásamt fleiru miður skemmtilegu.  Hinsvegar lendi ég, eða einhver af minni yndislegu "vesenistafamilíu" í bílslysum eða í því að skella höfði í veggi með tilheyrandi blóðspýjandi höfuðsárum, er slysó eini staðurinn sem ég vil sækja.  Þar er yndislegt fólk að störfum, með sérþekkingu á "sárum, brotum eða meiðslum af völdum slysa", og þú færð "konunglegar móttökur" svo ekki sé meira sagt, ef þú mætir á slysó með slík vandamál.  Biðtími nánast "enginn", og þjónusta brillant góð og til fyrirmyndar.  Þar er hugsað fyrir öllu, og allt gert til að bæta og lækna slasaða, og huga vel að aðstandendum um leið.  Fá margfalda plúsa frá mér, staffið á slysó fyrir þá þjónustu, er ég og mínir hafa þegið af þeim í gegnum árin.  Megum vera stolt af slysadeild okkar landsmanna....en í guðanna bænum farið með streptokokkana, lugnabólguna og kvefið í Kópavoginn .  Þeir snjallir að sinna slíku þar.  En BRAVÓ slysadeildarfólk og gleðilegt ár.

Útlendingar með kvef fara á slysadeild