Bros dagsins til Magga Sheving!

  Fór að horfa á Latabæ með dóttur minni á sínum tíma, og þessir þættir eru bara tær snilld.  Sú stutta er sex ára í dag, og Solla stirða er hennar fyrirmynd í flestu.  Hvort sem það er hollt fæði, bleikur litur á fatnaði, hreyfing eða bara spurning um réttlæti og vináttu, getur hún alltaf vitnað í Sollu vinkonu sína úr Latabæ.  Íþróttaálfinn tekur hún sér svo til fyrirmyndar, þegar þarf að þjálfa upp góða hæfileika, því "æfingin skapar meistarann", mamma!  "Íþróttaálfurinn segir það"!  Að auki kann mín litla kona "öll" Latarbæjarlögin utan að, og syngur hástöfum á öllum okkar ferðum út fyrir borgina.  Múttan að vísu orðin eilítið "heilabiluð" af síspilun tónlistarinnar úr Latabæ....en hvað eru 2-3 dauðar heilafrumur á milli vina, þegar boðskapurinn er svona brilliant?

   Til hamingju Maggi og kó.

Latibær tilnefndur til BAFTA verðlauna

Athugasemdir

[Huld S. Ringsted, 26.10.2007 kl. 11:16]

Mínar dætur elskuðu Latabæ þegar þær voru yngri, horfðu stanslaust á spólu með leikritinu eða hlustuðu á diskinn, ekki laust við að mamman væri komin með pínu tremma yfir lögunum. En boðskapurinn er frábær fyrir lítil hjörtu