Neyðarlegt.

  Svefnganga alltaf furðulegt mál, og fólk veit ekki hvort á að gráta eða hlæja af frétt sem þessari.  En sá sem í lendir, er ekki hlátur í hug, og að hryggbrotna er ekkert grín.  Gott að bassaleikari "Ofurgrassins" á eftir að jafna sig að fullu,en ekki hljóta örkuml af.  Man eftir einum ungum dreng í bernsku minni er gekk í svefni.  Var hann ættingi vinkvenna minna úti í Eyjum.  Þó þær byggju á annarri hæð, vissi ég aldrei til að hann dytti niður tröppur eða út um glugga, enda heimilsfaðirinn búin að setja upp hlið, við forstofudyrnar sem var læst á kvöldin, og opnanlegir gluggar allir of litlir til að drengur kæmist út um þá.  En óneitanlega var "veðmálið" skondið sem var í gangi á heimilinu.  En þar veðjaði heimilisfólkið á kvöldin um hvar piltur finndist sofandi næsta morgun.  Stundum var það nú bara í næsta rúmi í næsta herbergi.  En stundum á ólíklegum stöðum eins og inni kústaskápnum, ofan á frystikistunni,  frammi í þvottahúsi eða á bak við sófann í stofunni .  Fannst mér þetta afspyrnu spennandi mál, og reyndi að fá drenginn til að "kenna mér" að ganga í svefni .  En hann kunni engin ráð til þess, og sem betur fer eltist þetta af honum.

Bassaleikari Supergrass gekk út um glugga í svefni