Ný íþróttagrein á Olympíuleikum?

  Hvað er í gangi?  Ekki má maður bregða sér af bæ, þá virðist maður hafa lent í "tímagloppu" og/eða annarri vídd.  Kom að austan rétt áðan.  Var að vísitera múttu og systur í Þorlákshöfn.  Var svo að kíkja yfir moggann á netinu og rakst á alveg hreint furðulega "íþróttafrétt".  Þar hafði menn í Finnlandi,  sett hljóða er finni einn kastaði farsíma sínum "82,62 metra" á (og pælið í þessu ) "8. Farsímakastmótinu" sem haldið er.  Í kvennaflokki sigraði finnsk kona, fleygði síma sínum eina 44,49 metra.  Voru keppendur hvaðanæva að úr heiminum.  Hverjum datt þessi endaleysa eiginlega í hug?  Arfapirraðir og hundfúlir gemsanotendur, sem alltaf eru annað hvort "ekki í símsambandi" þegar lífið liggur við, eða rafhlaðan er tóm ?  Þá hefur konuræfillinn sem vann, líklega ekki verið nógu reið og pirruð, fyrst karlinn náði að kasta sínu símtæki næstum helmingi lengra.  Og sá hefur aldeilis verið kola kolvitlaus í skapinu.  Alvarlega "pissed off"!  Verður þetta síðan nýjasta íþróttagreinin í Kastíþróttum á næstu Olympíuleikum?  Ég bara spyr.  því þetta var "Áttunda Farsímakastmótið.......jamm segi og skrifa "áttunda".  Glætan að ég nennti á þvílikt og annað eins rugl.  Þá er skárra að horfa á "staurakastið" hjá tröllunum sem keppa um "styrk", hér uppi á litla Fróni.  Þó er það að nota risastóra og klunnalega "staura" í það að kasta,  álíka gáfulegt og alveg út úr kú líka.  Nema að eitthvað held ég að sími sem hefur verið látinn fjúka "82,62 metra" sé eitthvað orðinn slappur til brúks.  Tómt bruðl á annars sæmilega nothæfu tæki, farsímanum.  Staurarnir eru hvort eð er ekki brúkaðir í neitt annað en "tröllakastið"!