Hefnd spámannsins eða mergjað tískufyrirbæri?

  Kannski eru hinir heittrúuðu múslimar, ekki enn búnir að fyrirgefa Baununum "skrípóið" um síðhærða spámanninn, í "Jótlandspóstinum" !  Svo nú fær hin yndisfríða litla hafmey þeirra, að kenna á því!  En hún er nú öllu vön "sú litla úr sjónum"!  Bara hlýlegt að fá eitthvað af fataleppum utan á sig!  Miklu skárra en að vera "hálshöggin", handarhöggin eða rauðmáluð!  Annars einkennileg áráttta þetta í Danaveldi, að ráðast á "litla hafmey" til að fá útrás fyrir reiði, pirring og angist!  Skildi þetta vera af því að hún er í "minnihlutahóp" og þar að auki kvenkyns?  Styttur af konunglegum einvöldum af karlkyni þeirra dönsku, hafa til dæmis ekki fengið þvílíka útreið sem litla hafmeyjan !  Voru þeir margir hverjir, samt engir "englabossar"!  Þrautpíndu þegna sína með ofursköttum, láglaunum og þegnskyldustörfum!  Fyrir utan það að gera ítrekaðar tilraunir til að útrýma okkur "Frónurunum" ,með mygluðu brauði, maðkétnu mjöli og skemmdu, grautúldnu kjötmeti, hér á öldum áður!  Svo ef til vill ættu Baunarnir að endurskoða þetta með litlu hafmeyjuna, sem aldrei hefur gert flugu mein.  Og snúa sér í staðinn af hörku, að styttum þeirra, er söguleg illvirki hafa framið í Danaveldi!  Hauslausar, logarauðar styttur geta orðið "mergjuðustu nýtískufyrirbæri" Baunanna út um alla Köben !

Litla hafmeyjan færð í klæði múslima