Forgarði Helvítis lokað!

  Hans háæruverðugi heilaleiki, Benedikt páfi í Róm, stendur heldur betur í ströngu!  Eftir að hafa í "óráðsíukasti" í fyrrahaust, skellt orðum keisara frá 14. öld inn í ræðu sina, um islamtrúarmenn er yllu illsku og ómennsku, hefur hann nú í ofanálag þurft að láta "loka forgarði Helvítis"!  Út með garðhelvítið, úr katólskri trú!  Bara sisona!  Heppin ef hann fær að halda "hreinsunareldinum" inni, þeim katólsku til ómældar "gleði og huggunar"!  Blessuð óskírðu börn þeirra katólsku, er deyja Drottni sínum, þar með "húsnæðislaus", og ekki vitað með fullri vissu "hvar" þau lenda!  Því þó mikið væri rætt um kærleika Guðs og Jesú, kom hvergi fram í fréttinni, hvort óskírðu börn þessi, ættu nú vísa vist í Himnaríki Guðs!  Eða hvort að nú væri páfi og hans herlegu biskupar að "stofna" nýjan garð: "Forgarð Himnaríkis fyrir óskírð börn"!  Hins vegar hafði mikil "rannsóknarvinna" farið fram á málinu, í Páfagarði!  Og eftir margra ára "vísindalegt" starf, ákvað hans herlegheit páfinn og hans fylgifiskar, að "forgarður Helvítis" væri ekki til!  Sjálfsagt þurft að fara marga "brunheita" rannsóknartúra niður að hliðum Helvítis, í "leit" að garðinum, þeir heilögu!  Jafnvel spjallað við "þann í neðra" um málið!  Sjálfsagt hvorki séð tangur né tetur af blessuðu óskírðu börnunum, á rannsóknarferðum sínum, og þannig séð í hendi sér, að börn og helvíti eiga ekkert sameiginlegt!  Svo það var vel, að páfi lokaði bévítans forgarðinum!  Þó fyrr hefði verið!

  Mig er farið að renna í grun, að það sé ekkert einfalt mál að vera "heittrúaður katólikki"!  Og heldur flókið að fylgjast með öllum forgörðum, hreinsunareldum, skriftum og öðru er þá trú aðhyllast!  Bara gott að vera lúterstrúar uppi á litla Fróni!