Biblíusnýtingar?

  Þeir Einar Sigurbjörnsson prófessor í guðfræði og Gunnar Þorsteinsson í Krossinum, hafa verið að skrifast á í Fréttablaðinu!  Stórskemmtileg skrif, svo ekki sé meira sagt!  Einar snýtti sér í bak og fyrir vegna gagnrýni Gunnars á nýjustu Biblíuþýðingunni, og nú er Gunnar í ham þess vegna!  En merkilegast í skrifum Gunnars í dag, fannst mér orð hans um "hina lúalegu" aðferð lúterskra manna í gegnum árin, að "falsa" Biblíuþýðingar!  Þegar Gunnar í Krossinum segir að menn "falsi" Biblíuþýðingar" hlýtur það að vera rétt!  Og hvernig í ósköpunum getur svo sannkristið fólk eins og Gunnar og hans fylgifiskar, verið landsþekktir "bókstafatrúarmenn" á falsaða Biblíu ?  Lumar Gunnar og hans lið á "frumritinu" af Bibliunni einhvers staðar, og dunda þau sér við það í hjáverkum að "leiðrétta" Biblíuna frá 1981?  Og ef svo skildi vera, geta Gunnar og hans menn treyst því að sá eða þeir er "frum-Biblíuna" skrifuðu, hafi haft "kórréttan" skilnig á kristinni trú, jafnvel ritað beint upp eftir Guði vorum?!  Eða læddi sá er hina fyrstu Biblíu reit, sínum eigin skoðunum og trúargildum með, svona til að krydda aðeins stílinn !  Og kannski verið "fjölmargir" Biblíuskrifarar, með fjölmargar skoðanir á málunum, og Biblían orðið eitt allsherjar "súpugutl" og samsuða '!  Og hvað með öll handritin sem "ekki fengu" að vera í Biblíunni, vegna þess að katólska páfanum hugnuðust ekki skrifin?!  Ekki voru það lúterskir, sem kasseruðu þeim.  Hrædd er ég um að Gunnari og hans fylgifiskum geti reynst erfitt, að finna hina einu sönnu, "kórréttu" Biblíuþýðingu, 2007 árum eftir fæðingu Frelsarans!  Ekki síst vegna þess að allir þeir er Biblíuna hafa þýtt, telja sína þýðingu þá "einu réttu og bestu"!  Nei, þá er Gunnari nær að hætta að velta sér upp úr orðalagi og orðhengilshætti Biblíunnar, og láta kærleiksverkin "tala"!  Svo er alltaf best að snýta sér í "vasaklúta" !