Brilliant holufyllingar!

  Þeir eru kröfuharðir kjósendur fyrir austan !  Orðnir langþreyttir á frónversku vegakerfi, og vilja nú fá "frambjóðendur í holurnar"!  Sjálfsagt einnig hundfúlir og arfapirraðir út í "skæklaviðgerðir" á vegum, lélegu malbiki og ofaní áburði!  Sjá það í hendi sér, austfirðingar, að hámarksnýting á góðum frambjóðanda, er sú að skella þeim "ofan í holurnar" á þjóðvegi eitt, eftir kosningar !  Sitja þá  frambjóðendur ekki fastir í "kaffinefndum" ríkisins, heldur koma að gagni þar, sem þeirra er mest þörf!  Í bévítans háskaholunum á þjóðvegi eitt!  Og þar er alltaf hægt að ganga að frambjóðendunum vísum!  Herma upp á þá kosningaloforð, og bókanir um umbætur í héraði!  Lesa hraustlega yfir þeim, hafi þeir klikkað á loforðunum, en fjarlægja óþægilega smásteina af veginum kringum þá, standi þeir sig vel !  Framtíðin verður þar með, hin glæstasta á öllum vegum fyrir austan, og allir götur og vegir rennisléttir of fínir!  Skrítið að engum hafi dottið þetta í hug fyrr!!