Þegar ég týndi Suðurlandsveginum!

  ÚÚÚÚ!  Spúkí frétt frá Ástralíu um "draugaskútuna"!  Áhöfnin, þrír menn gufaðir upp, horfnir!  Minnir óneitanlega á Mary Celeste, sem fannst áhafnarlaus í Bermúdaþríhyrningnum!  Eitthvað fer um mann ónotalegur hrollur, við svona fréttir, þó að hvarf mannanna geti átt sér eðlilegar skýringar.  Las á sínum tíma um hvarf "Flight 19", einnig í Bermúdaþríhyrningnum, sem var með ólíkindum!  Fimm sprengjuvélar rötuðu ekki til baka til Fort Lauderdale í björtu og góðu veðri, þrátt fyrir að reynt væri að leiðbeina þeim í gegnum talstöðvar!  Hurfu sporlaust alllar fimm, og aldrei fundist tangur né tetur af þeim!  Og leitarflugbáturinn sem sendur var að leita sveitarinnar, fór á loft með 13 manna áhöfn, og sást aldrei meir!!  Virðist sem fleira sé til á jörð, en það sem mannskepnan þekkir og sér.  Furðulegt.  Eina stórfurðulega lífsreynslan sem ég hef upplifað fellur svo sannarlega undir "dularfull fyrirbæri"! 

  Var á leið frá Keflavík, austur fyrir fjall, til Þorlákshafnar einn fagran júnídag fyrir nokkrum árum!  Hafði unnið fram yfir miðnætti, kvöldið áður á kvöldvakt, svo hjúkkkan sem var með mér á morgunvakt, leyfði mér að fara fyrr, eða rétt fyrir klukkan 14:00! Ég ruslaði saman fötum og dóti með mér í hasti, en ég ætlaði að gista helgina í foreldrahúsum.  Út í bíl og brenndi af stað.  Var 50 mínútur á leiðinni upp í Breiðholt, og klukkan var 3 mínútur yfir þrjú, þegar ég sé ek yfir brúna hjá Víðidal í átt að Rauðavatni.  Pálmi er að syngja "Á rauðu ljósi í útvarpinu".  Ég lít sem snöggvast upp í heiðbláan júníhimininn, og undra mig eitt andartak á því að hann er svona meira ljósgrænn, en blár himininn.  Horfi svo aftur fram á veginn, Pálmi er að klára lagið, en ég er EKKI að nálgast gatnamótin við Rauðavatn!!  Sei, sei, nei!  Er í síðustu beygjunni í Þrengslunum, áður en bratta brekkan niður Skógarhlíðina tekur við!  Horfi furðulostin yfir Þorlákshöfn, lít til beggja hliða í leit að Rauðavatni, Suðurlandsveginum, hverju sem er, í raun og veru! Lít á klukkuna, 5 eða 6 mínútur yfir þrjú!!  Fæ sjokk!  Búin að missa vitið, bara sisona!  Þetta er bara ekki mögulegt!  Svona gerist ekki!!  Og kemur ALLS EKKI fyrir mig!  Og er HVERGI nærri Bermúda, andsk.....hafi það!!  Er alveg rasandi!  Ek samt sem leið liggur niður í Þorlákshöfn!  Á sléttum klukkutíma og 10 mín.  Hafi einhver fari þessa vegarlengd á sama tíma, í traffík og á föstudegi eins og ég, vildi ég gjarnan fá fregnir af því!  Duló?  Ekki spurning!!