Múgur og margmenni....

  ...bílatraffík og biðröð í

  Borgarskóla rétt í þessu,

  þegar húsfreyja skrapp að kjósa.

  Enda eins gott að mæta, þegar

  kosið er um mesta "þvargviðri"

  í íslenskri stjórnmálasögu síðan

  Fullveldismálið var og hét.

  En merkilegt nokk, sá húsfreyja aðeins einn

  á stórum eðalvagni mættan að kjósa.

  Hefur sjálfsagt ekki átt góða útrásar-eitthvað

  eða bankagróðamenn að, og þar með haft lélegan aðgang

  að "útrásinni" og alveg misst af öllu

  "góðærinu", fyrir utan jeppadýrðina.

  Svona eins og við hin sauðsvörtu.

  Jamm.

  En að sjálfsögðu kusu allir RÉTT.

  Það sá húsfreyja í hendingu, af gleðisvip

  landa sinna er þeir komu af kjörstað.

  Þetta líka endemis þvarg, þvaður, bull og endaleysa

  allt út af kerlingafálunni henni "Ísbjörgu",

  er sjálfsagt búið að ganga langt fram af öllum Frónbúum.

  Viljum hana ekki.

  Þrasið og kjaftavaðalinn brott.

  Viljum boðlega lausn á málinu, og boðlega samninga fyrir land og þjóð.

  Með fleygum orðum ágæts manns:

  "Vér mótmælum allir"!

  Góðar stundir á kosningadegi.

 

Um 26% kjörsókn í Reykjavík

Athugasemdir

[Valsól (IP-tala skráð) 6.3.2010 kl. 16:31]

Hugsaðu þér, þeir á eyjunni settu þessa vefsiðu inn sem forsíðufrétt klukkan 15 í dag => http://xd.is/?action=grein&id=39954

[Sigrún (IP-tala skráð) 6.3.2010 kl. 17:02]

Því miður mun ekkert koma út úr þessari fyrstu þjóðaratkvæðisgreiðslu nema þá það að nú virðist komin upp gjá milli fotsetans og þjóðarinnar. Hópurinn sem situr heima er að segja sitt álit og vill ekki taka þátt í áróðurstríði stjórnarandstöðunnar. Stórkostlegt skemmdarverk. Við sem berjumst fyrir nýju og betra Íslandi sitjum sár eftir.