Fínt!

  Við Frónbúar skellum okkur

  þá í að kaupa hana þegar

  hún verður boðin til sölu á "e-bay".

  Veitir ekki af, okkur löndunum, að hafa nú

  vaðið fyrir neðan okkur, eftir það

  sem undan er gengið síðustu 2 árin.

  Einkavæðingarhelvíti með pólitískri kreppu,

  bankahruni og útrásarpakki rænandi og rupplandi,

  var það fyrsta.

  Í annan stað fóru svo öll heimilin í landinu

  á hausinn af því að þau höfðu öll fjárfest

  í "flatskjám" ( Þjóðin bara "brjálaðist"

  í æðislegri eyðslu, sagði einn kreppusnillinn)!

  Og í þriðja lagi er "sótsvartur djöfull" hlaupinn

  í Eyjafjallajökul með tilheyrandi þrumum,

  eldingum, eldspýjum, hraunrennsli og

  öskuskít.

  Næsta víst að að næst á dagskrá á litla Fróni

  verði helvískur "40 daga rigningaskúr" ala

  Gamla testamentið, með stórflóðum,

  úthafsöldum og vatnsfárviðrum í kjölfarið.

  Þá er skárra að hafa til taks sæmilegan "stóran bát"

  til að redda okkur "örmum fjármálavitleysingjum"

  úti í ballarahafi, sem vart eigum bót fyrir rassgatið á okkur,

  en eigum einhvern helvítis haug af flatskjám.

  Getum við altént notað einhvern slatta af margtéðum flatskjám

  til að fylla í holur og göt sem kunna að vera á stórfleyi þessu,

  eftir ríflega 4000 ára dvöl upp á þurru landi.

  Lestum svo hross, kýr, kindur og gæludýr í "káetur"

  ljónanna, flóðhestanna og dúfnanna og getum við svo

  þjóðin gist fyrrum káetur fíla, gíraffa og strúta,

  en ríkisstjórnin, núverandi bankastjórar og aðalleikarar

  í "sótsvartri 3000 síðna skýrslu" gista káetur slanga,

  órangúta og asna.

  Restina af bátskelinni er svo öruggara að nota undir

  dýrafóður og eitthvað matarkyns fyrir oss vesæla.

  Nú svo er bara að njóta þess að vera á lúxus- "siglingu"

  næstu 40 daga....aldrei að vita hvenær hægt verður

  að skella sér í "siglingu" næst.

  Verður samt brjálað að gera um borð, því að í nógu

  verður að snúast við að fóðra allan dýraskarann

  og svo okkur sjálf, plús það að snúast í

  kringum ælandi og spúandi sjóveika farþega.

  Hehehehe!

  Stóðst ekki mátið húsfreyja.

  En að lokum.

  Frétt þessi vakti upp gamla pælingu hjá húsfreyju:

  Ef Nói og frú, ásamt 3 sonum, eiginkonum þeirra og börnum,

  já, og kannski  nokkur hundruð auðtrúa sálir,

  voru einu mannverurnar um borð í örkinni,

  hvernig "í ósköpunum" tókst þeim að fóðra "öll"

  dýrin um borð í örkinni...tvö af hverri tegund

  sem hér á móður Jörð dvelja,  í heila 40 daga???

  Þúsundir landdýra í öllum stærðum og gerðum!

  Moka undan þeim skítnum?

  Halda lífi í "mauraætunum"?

  Og hver í ósköpunum um borð hafði áhuga á

  að bjarga tveimur "tarantúllum" frá því að deyja út?

  Jamm.

  Merkileg saga atarna.

  Kvöldmatast næst.

  Góðar stundir á þriðjudegi.

Örkin hans Nóa fundin

Athugasemdir

[jamm (IP-tala skráð) 27.4.2010 kl. 18:44]

Þau höfðu nú talsverðan tíma til að undirbúa þetta... kannski var þetta bara voðalega þægilegt... eða bara búið að koma fyrir fullt af mat sem dýrin svo átu á sínum hraða.

[Sigríður Sigurðardóttir, 28.4.2010 kl. 17:59]

Já, jamm, sjálfsagt haft ríflegan tíma í undirbúning blessaður Nóinn....en mikið rosalega hafa þeir þurft að koma MIKLUM mat fyrir, handa blessuðum dýrunum öllum.  Þakka þér kærlega fyrir innlitið!