Gimme, gimme, gimme...

 ....a man after midniiiiiigt, ABBA er í botni

  og djásnið hringsnýst í æðislegum dansi

  á stofugólfinu.

  "Mamma, þetta er uppáhaldslagið mitt".

  Húsfreyja er aftur orðin 15, og er komin

  á annað gólf í huganum að dansa trylltan

  dans við myljandi fína músík ABBA.

  Þá voru útvíðar buxur í tísku, skræpóttar

   mussur, leðurjakkar og útprjónaðar peysur.

  Hallærislegt?  Ekki spurning!

  En síðan hvenær hefur nokkur unglingatíska

  staðist tímanna rás og þótt ofurflott, þegar

  litið er til baka?

  Aha.  Akkúrat!

  En merkilegt nokk, góð tónlist stendur alltaf

  fyrir sínu.

  Og nú er djásnið komið á bólakaf í unglingamúsík

  húsfreyju....og svei ef húsfreyja er ekki aftur

  farin að tyggja tyggjó, naga hárendana, og

  skella sér í Travolta-diskó-stellingar af og til.

  Verst að nýru húsfreyju mótmæla of miklum

  hristingi og skakstri, og svo lendir hún jafnvel

  á bráðavaktinni með grjóthnullung, ef  hún bremsar

  ekki dansinn í botn í miðju "Dancing Queen".

  Húsfreyja þolir ekki spítala, nema sem vinnustaði.

  og alls ekki eilífar stungur, rannsóknir og vafstur.

  Er erfiður "sjúklingur", er með meiningar um hvað

  sé að sér, hvaða meðferð eigi að beita, hvaða

  rannsóknir skuli framkvæma.

  Spyr "læknana" þar til þeir gefast upp og

  útskrifa bévítans hjúkkuskassið, útúr dópað

  og í keng, en Guðs lifandi fegið að komast heim.

  En er nú komin á "bíp"-lista í steinbrjótinn, því

  húsfreyja hefur engan hug á því að leyfa vinstra

  nýra sínu að tapa sér í grjótspýtingu, eins og það

  hægra gerði!

  Sei, sei NEI!

  Brjóta, brjóta, brjóta grjót fyrir hádegi, gæti þá orðið

  texti sunginn við lagið Gimme, Gimme með ABBA.

  House næst.

 

Athugasemdir

[Solla Guðjóns, 16.10.2008 kl. 22:00]

Þetta er rosalegt að vera með svona grjótnámu innan í sér.....gæti kannski beðið Mr:Pálmasom að ribba aðeins fyrir þig

Ég fór á Mama mía um daginn og vóoo.

En haltu þig á mottunni svo þú eigi tapir öðru nýra.

Knús á þig og nudd í nýrnastað hjúkkuskassið mitt

[Sigríður Sigurðardóttir, 17.10.2008 kl. 20:01]

  Jamm, ekki er það spennandi Sollan mín, en eigi að síður eitthvað sem hægt er að laga og lækna, og því er ég fegin og mjög þakklát.  Verra að fá ólæknandi sjúkdóm og illvígan.

 Hmmm...er Pálmason flinkur í "ribbingum"?  Ef þeir Landspítalamenn klikka á grjótinu, þá hef ég kannski bara samband...ha?